ត្រួសៗពីកីឡាករអាស៊ាន ផ្លាស់ទ្រនំថ្មីទៅលេងលីគក្នុងតំបន់
- 2017-12-21 08:19:09
- ចំនួនមតិ 0 | ចំនួនចែករំលែក 0
ត្រួសៗពីកីឡាករអាស៊ាន ផ្លាស់ទ្រនំថ្មីទៅលេងលីគក្នុងតំបន់
ចន្លោះមិនឃើញ
បន្ទាប់ពីមានការផ្លាស់ប្ដូរប្រព័ន្ធ ផ្ទេរកីឡាករមួយចំនួនក្នុងលីគនៃតំបន់អាស៊ាន ឃើញថា កីឡាករនៅអាស៊ានពេលនេះកំពុងមានទីផ្សារខ្លាំងនៅក្នុងលីគធំៗដូចជានៅប្រទេសថៃ និងម៉ាឡេស៊ីជាដើម។ Thai League T1 និង Malaysia Super League ពេលនេះបានប្រើរូបមន្តក្នុងបញ្ជីឈ្មោះកីឡាករផ្លូវការ អាចមានកីឡាករបរទេសក្រៅអាស៊ី៣នាក់ អាស៊ី១នាក់ និងអាស៊ាន១នាក់។
ខាងក្រោមនឹងបង្ហាញពីកីឡាករអាស៊ានល្បីៗ ដែលបានផ្លាស់ប្ដូរក្រុម៖
១.Hikaru Minegishi
ជម្រើសជាតិហ្វីលីពីនរូបនេះផ្លាស់ពីក្លឹបGlobal Cebu (ហ្វីលីពីន) ទៅក្លឹប Pattaya United ក្នុងលីគទី១របស់ប្រទេសថៃ។
២. Terens Puhiri
ខ្សែបម្រើស្លាបរបស់ឥណ្ឌូណេស៊ី Puhiri បានចាកចេញពីក្លឹបក្នុងស្រុកកំណើត Borneo ទៅចូលរួមជាមួយ Port FC ក្នុងលីគទី១របស់ប្រទេសថៃ ក្រោមលក្ខខ័ណ្ឌខ្ចីជើងមួយឆ្នាំ។
៣.Yasir Hanapi
កីឡាករសិង្ហបុរី Yasir Hanapi បានដើរចេញពីក្លឹប PDRM របស់ម៉ាឡេស៊ី ត្រលប់ទៅក្លឹបដើម Tampines Rovers នៅលីគទី១របស់ រសិង្ហបុរី។ ៤.ចាន់ វឌ្ឍនាកា
ក្រោយពីមិនជោគជ័យជាមួយក្លឹប Fujieda MYFC នៃលីគទី៣ប្រទេសជប៉ុន កីឡាករជំនាញជើងឆ្វេងរបស់កម្ពុជាខាងលើបាន សម្រេចចុះកុងត្រាទៅចូលរួមជាមួយក្រុម PAHANG FA ដែលជាជើងឯករងលីគកំពូលម៉ាឡេស៊ីរដូវកាលមុនរយៈពេលមួយឆ្នាំ។
៥.Zulfahmi Arifin
អ្នកចាំទីជម្រើសជាតិសិង្ហបុរីរូបនេះ បានសម្រេចទៅរួមរស់ជាមួយក្លឹប Chonburi ដែលកំពុងលេងលីគទីមួយប្រទេសថៃ ក្រោយចេញពីក្លឹបក្នុងស្រុក Hougang United ។
៦. Izwan Mahbud
អ្នកចាំទីរបស់សិង្ហបុរីម្នាក់ទៀត Izwan Mahbud បានផ្លាស់ពីក្លឹបក្នុងស្រុក Tampines Rovers ទៅលេងឲ្យ Nongbua Pitchaya ដែលលេងនៅលីគទី២របស់ប្រទេសថៃ។
៧. ធារី ចន្ថាប៊ីន
ប្រុសស្អាតជម្រើសជាតិកម្ពុជានេះបានផ្លាស់ពីក្លឹប Krabi ក្នុងក្របខ័ណ្ឌទី២របស់ថៃ ទៅបំពេញតួនាទីឲ្យក្លឹបTerengganu នៃ Malaysia Super League។
៨.Evan Dimas និង Ilham Armaiyn
ក្លឹបលីគកំពូលម៉ាឡេស៊ី Selangor បានចុះកុងត្រាទិញយកដៃគូជម្រើសជាតិឥណ្ឌូណេស៊ីទាំងពីរEvan Dimas និង Ilham Armaiyn។
៩ Aung Thu
ជម្រើសជាតិមីយ៉ាន់ម៉ា Aung Thu បានចូលរួមជាមួយក្លឹប Police Tero Sasana នៃលីគកំពូលថៃ ក្រោយលេងឲ្យក្លឹប Yadanarbon F.C របស់មីយ៉ាន់ម៉ា៤រដូវកាល ស្របពេលមិត្តរួមជាតិ Kyaw Ko Ko ក៏ត្រៀមមកលេងនៅថៃដូចគ្នា។
១០. កែវ សុផេង
កែវ សុផេង បានចេញពីភ្នំពេញក្រោន ទៅលេងឲ្យក្លឹប PKNP F.C របស់លីគកំពូលម៉ាឡេស៊ី៕