Neymar ទាត់បាល់រហូតរបូតស្បែកជើង ពេលកំពុងថតស្ប៉ត
- 2017-12-22 13:06:03
- ចំនួនមតិ 0 | ចំនួនចែករំលែក 0
Neymar ទាត់បាល់រហូតរបូតស្បែកជើង ពេលកំពុងថតស្ប៉ត
ចន្លោះមិនឃើញ
នាថ្ងៃរសៀលនេះ ខ្សែប្រយុទ្ធ Neymar បានទាត់បាល់រហូតរបូតស្បែកជើង ហោះចូលទៅក្នុងសមុទ្រ នៅពេលកំពុងថតរូបផ្សាយពាណិជ្ជកម្មឲ្យក្លឹប PSG នៅក្នុងប្រទេសកាតា។
បើតាមវីដេអូ Storyដែលបង្ហោះក្នុងគណនីផ្លូវការរបស់ Neymar ផ្ទាល់ បានបង្ហាញឲ្យឃើញថា ដំបូង Neymar កំពុងរៀបចំទាត់បាល់ឡើងលើ ក្នុងន័យជាការថតស្ប៉តឲ្យក្លឹប PSG។ ទោះជាយ៉ាងណា ពេលដែលទាត់ទៅ ស្រាប់តែទៅដោយទាំងស្បែកជើងរបស់កីឡាករប្រេស៊ីលរូបនេះទៀត ដោយស្បែកជើងនោះបានហោះទៅលើ មុននឹងធ្លាក់ចូលទៅក្នុងសមុទ្រ។ នៅពេលហេតុការណ៍ ទាត់បាល់ខុសបច្ចេកទេសកើតឡើង បានបណ្ដាលឲ្យលេចឡើងនូវការផ្ទុះសំណើចពីសំណាក់មិត្តរួមក្រុម និងក្រុមការងាររបស់ Neymar ដែលមានវត្តមាននៅទីនោះ។ ដោយហួសចិត្តផង និងខ្មាសគេតិចៗផង Neymar យកដៃទាំងពីរគ្របក្បាលរបស់ខ្លួន។ ក្រោយមកក្រុមការងារក្លឹប PSG ក៏បានយកដងដែកមួយទៅស្ទូចយកស្បែកជើង Neymar មកវិញ។
សូមបញ្ជាក់ផងដែរថា ក្នុងលីគកំពូលបារាំង នៅពេលនេះ កំពុងស្ថិតក្នុងរដូវកាលសម្រាកខែរងា (Winter Break)។ ឆ្លៀតឱកាសនេះ ក្លឹប PSG បាននាំកីឡាកររបស់ខ្លួន ទៅហ្វឹកហាត់នៅប្រទេសកាតាដែលមានអាកាសធាតុរាងកក់ក្ដៅជាងនៅបារាំង។ បន្ថែមពីលើការហាត់ ក៏មានការរៀបចំពិធីជួបជុំអ្នកគាំទ្រ PSG និងការថតស្ប៉តពាណិជ្ជកម្មរបស់ក្លឹបផងដែរ នៅទីនោះ៕