ជំនួបជក់ចិត្ត! សង្គ្រាម Top 4 ក្រុម Arsenal និង Liverpool ស៊ីគ្នា៦គ្រាប់
- 2017-12-23 00:55:56
- ចំនួនមតិ 0 | ចំនួនចែករំលែក 0
ជំនួបជក់ចិត្ត! សង្គ្រាម Top 4 ក្រុម Arsenal និង Liverpool ស៊ីគ្នា៦គ្រាប់
ចន្លោះមិនឃើញ
ការប្រកួត Premier League សប្ដាហ៍ទី១៩រវាង Arsenal និង Liverpool បញ្ចប់ទៅក្នុងលទ្ធផលមិនគួរឲ្យជឿគឺស្មើគ្នា ៣ទល់នឹង៣។
ជំនួបរវាងក្រុមទាំងពីរគឺត្រូវការឈ្នះរៀងខ្លួនដើម្បីប្រជែងតំណែង Top 4 ស្របពេលតារាងពិន្ទុបច្ចុប្បន្ន Liverpool លេខ៤ និង Arsenal លេខ៥ខុសត្រូវគ្នា១ពិន្ទុ។ នៅវគ្គទីមួយក្រុមភ្ញៀវមានឱកាសច្បាស់ៗ៤ដង ហើយ Coutinho តែតបញ្ចូលទីបាន១គ្រាប់នាទី ២៦ ខណៈម្ចាស់ផ្ទះវិញស៊ុតមិនចំគោលដៅសូម្បីតែម្ដង។
វគ្គទី២លេងបាន៧នាទី ស្ដេចល្បឿន Salah បានទាត់ឲ្យ Liverpool នាំមុខ២-0 ប៉ុន្តែ Arsenal បានវាយបកយ៉ាងសាហាវគឺស៊ុតសង៣គ្រាប់ត្រឹម៥នាទី ដោយគ្រាប់ទីមួយ Alexis Sanchez តែតបញ្ចូលទីនាទី៥៣, Granit Xhaka ទាត់ពីចម្ងាយនាទី៥៦ និង Mesut Ozil ចុចរំលង Mignolet ចូលទីនាទី៥៨។
ក្រោយត្រូវគូប្រជែងនាំមុខវិញ Liverpool បន្ថែមការគាបសង្កត់ខ្លាំងដោយ Mane មានឱកាសទាត់មុខទីម្នាក់ឯងតែ Cech សង្គ្រោះបាន។ រហូតនាទី៧១ Roberto Firmino ទាត់តាមស្មើឲ្យក្រុមលោក Jurgen Klopp បាន១ពិន្ទុទៅផ្ទះវិញ និងបន្តឈរលេខ៤ក្នុងតារាង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
