Neuer ទំនងត្រូវចាំដល់ខែមិនា ទើបអាចហ្វឹកហាត់វិញបាន
- 2017-12-23 05:13:01
- ចំនួនមតិ 0 | ចំនួនចែករំលែក 0
Neuer ទំនងត្រូវចាំដល់ខែមិនា ទើបអាចហ្វឹកហាត់វិញបាន
ចន្លោះមិនឃើញ
Manuel Neuer នឹងត្រឡប់មកហ្វឹកហាត់វិញនៅខែកុម្ភៈ ឬមិនា ដើម្បីត្រៀមខ្លួនជាមួយជម្រើសជាតិអាល្លឺម៉ង់សម្រាប់ព្រឹត្តិការណ៍ World Cup។
អ្នកចាំទីឆ្នើមវ័យ៣១ឆ្នាំខកខានលេងឲ្យ Bayern Munich និងក្រុមជម្រើសជាតិតាំងពីខែកញ្ញាមកដោយសារត្រូវវះកាត់របួសបាក់ឆ្អឹងជើងឆ្វេង។ Neuer ប្រឹងប្រែងព្យាបាលរបួសយ៉ាងយកចិត្តទុកដាក់ដើម្បីរក្សាក្ដីសង្ឃឹមលេងឲ្យជម្រើសជាតិសម្រាប់ព្រឹត្តិការណ៍ World Cup ស្របពេលអាល្លឺម៉ង់គឺជាក្រុមការពារតំណែងជើងឯក។
ពាក់ព័ន្ធនឹងអវត្តមានអ្នកចាំទីដៃទីមួយ គ្រូបង្វឹកអាល្លឺម៉ង់ Low បាននិយាយថា៖”Neuer អាចហ្វឹកហាត់វិញតិចៗនៅខែកុម្ភៈ ឬមិនា។ រូបគេត្រូវការពេលច្រើនដើម្បីជាសះស្បើយ។ Neuer គឺជាអ្នកចាំទីល្អបំផុតលើលោក និងជាប្រធានក្រុម ដូច្នេះពួកយើងពិតជាត្រូវការគេ"៕