កម្ពុជាទទួលបាន៣០០លានដុល្លារក្នុង១ឆ្នាំ ពីពលករខ្មែរធ្វើការនៅកូរ៉េ
- 2017-12-24 08:00:31
- ចំនួនមតិ 0 | ចំនួនចែករំលែក 0
កម្ពុជាទទួលបាន៣០០លានដុល្លារក្នុង១ឆ្នាំ ពីពលករខ្មែរធ្វើការនៅកូរ៉េ
ចន្លោះមិនឃើញ
ពលករខ្មែរដែលទៅធ្វើការងារស្របច្បាប់នៅសាធារណរដ្ឋកូរ៉េ បានផ្ញើប្រាក់របស់ខ្លួនស្ទើរគ្រប់គ្នាមកស្រុកកំណើត ហើយចំនួនទឹកប្រាក់ដែលត្រូវផ្ញើមកស្រុកកំណើតគិតសរុបប្រមាណជាង៣០០លានដុល្លារ ក្នុងមួយឆ្នាំ។ នេះជាការបញ្ជាក់ឲ្យដឹងពីលោកឡុង ឌីម៉ង់ ឯកអគ្គរាជទូតកម្ពុជាប្រចាំនៅប្រទេសកូរ៉េខាងត្បូង ដែលបានឱ្យដឹងតាមប្រព័ន្ធអេឡិកត្រូនិក នៅរសៀលថ្ងៃទី២៣ ខែធ្នូ ឆ្នាំ២០១៧។
លោក ឡុង ឌីម៉ង់ បានប្រាប់រស្មីកម្ពុជាថា ពលករខ្មែរដែលទៅធ្វើការងារស្របច្បាប់នៅសាធារណរដ្ឋកូរ៉េមានប្រមាណជាងប្រាំម៉ឺននាក់ និងពលករខ្មែរដែលទៅធ្វើការមិនស្របច្បាប់មានប្រមាណ៥ភាគរយ។ ចំនួនពលករខ្មែរមិនស្របច្បាប់នេះបាននឹងកំពុងថយចុះជាបន្តបន្ទាប់ផងដែរ ។
លោកបន្តថា ទាំងពលករខ្មែរស្របច្បាប់ និងមិនស្របច្បាប់ ពួកគាត់បានប្រាក់ខែយ៉ាងតិច ១ ២០០ដុល្លារ ក្នុងមួយខែហើយពួកគាត់តែងតែផ្ញើប្រាក់ទាំងនេះមកស្រុកកំណើតវិញ ក្នុងម្នាក់ៗមិនតិចជាង៨០០ ទៅ ១ ០០០ ដុល្លារឡើយ។បើគិតតាមតួលេខនេះ ចំនួនទឹកប្រាក់ដែលពលករខ្មែរត្រូវផ្ញើមកស្រុកកំណើត មានប្រមាណជាង៣០០លានដុល្លារក្នុងមួយឆ្នាំ៕