គន្លឹះ ១៤យ៉ាងកសាងទំនាក់ទំនងល្អជាមួយអ្នករួមការងារ
- 2017-12-25 03:27:28
- ចំនួនមតិ 0 | ចំនួនចែករំលែក 0
គន្លឹះ ១៤យ៉ាងកសាងទំនាក់ទំនងល្អជាមួយអ្នករួមការងារ
ចន្លោះមិនឃើញ
ទំនាក់ទំនង ពិតជាមានសារៈសំខាន់ណាស់ សម្រាប់បុគ្គលិកបំពេញការងារប្រកបដោយប្រសិទ្ធភាព។ ពេលខ្លះ អ្នករួមការងារមួយចំនួន គ្មានទំនាក់ទំនងល្អនឹងគ្នា ជាហេតុនាំឲ្យមានបញ្ហា ឬការយល់ច្រឡំនានា បង្អាក់ដល់ការអភិវឌ្ឍស្ថាប័ន។ ដូចនេះ ដើម្បីកសាងទំនាក់ទំនងឲ្យបានល្អប្រសើរ គួរអនុវត្តតាមវិធីមួយចំនួន។
១. ពិចារណាពង្រឹងជំនាញទំនាក់ទំនងរវាងបុគ្គល៖ ទំនាក់ទំនងវិជ្ជាជីវៈដ៏ល្អ គឺពឹងផ្អែកលើកម្រិតនៃជំនាញទំនាក់ទំនងរវាងបុគ្គលដោយរួមទាំងអ្នកនិងអ្នកដទៃផងដែរ។ ចំណុចនេះរួមបញ្ចូលទាំងទំនាក់ទំនង ការសហការ ឬសូម្បីតែការដោះស្រាយជម្លោះ ដែលនៅពេលត្រូវបានពង្រឹងហើយនោះ វានឹងអនុញ្ញាតឱ្យបុគ្គលម្នាក់ៗមានទំនាក់ទំនងល្អជាមួយអ្នកដទៃ។
២. កំណត់នូវអ្វីដែលអ្នកត្រូវការពីអ្នកដទៃ៖ អ្នកគួរពិចារណាពីទំនាក់ទំនងផ្ទាល់ខ្លួនរបស់អ្នក។ តើអ្នកបានយល់ពីអ្វីដែលអ្នកពិតជាត្រូវការពីអ្នកដទៃឫទេ? លើសពីនេះទៀត តើអ្នកបានយល់ពីអ្វីដែលអ្នកដទៃត្រូវការពីអ្នកវិញទេ? ការយល់ដឹងអំពីភាពរឹងមាំនៃទំនាក់ទំនងបែបនេះ នឹងមានសារៈសំខាន់សម្រាប់អ្នកក្នុងការបង្កើតទំនាក់ទំនងដែលមានប្រសិទ្ធភាពជាមួយមនុស្សនៅជុំវិញខ្លួនអ្នក។ ការគោរពទំនាក់ទំនងរវាងគ្នានឹងគ្នាគឺកើតមានឡើងនៅក្នុងវប្បធម៌របស់ប្រទេសកម្ពុជាហើយយើងក៏អាចអនុវត្តវានៅក្នុងវប្បធម៌ការងាររបស់យើងបានផងដែរ។
៣. ចំណាយពេលវេលាខ្លះដើម្បីបង្កើតទំនាក់ទំនង៖ ការដែលគ្រាន់តែនិយាយគ្នានោះគឺមិនគ្រប់គ្រាន់ទេដើម្បីកសាងទំនាក់ទំនងល្អជាមួយសហការីរបស់អ្នក។ ប្រសិនបើអ្នកចង់កាត់បន្ថយការយល់ច្រឡំ ខណៈពេលដែលធ្វើឲ្យប្រសើរឡើងនូវប្រសិទ្ធិភាពក្នុងការសហការគ្នា អ្នកគួរតែពិចារណាបែងចែកពេលវេលាដែលស័ក្ដិសមដើម្បីពង្រឹងទំនាក់ទំនងការងារ ដែលអ្នកមានជាមួយមិត្តរួមការងាររបស់អ្នក។
៤. ពិចារណាពង្រឹងជំនាញបញ្ញាស្មារតីរបស់អ្នក៖ ក្នុងចំណោមការធ្វើអ្វីផ្សេងទៀត អ្នកក៏គួរតែយកចិត្តទុកដាក់ក្នុងការបង្កើនជំនាញបញ្ញាស្មារតីរបស់អ្នក ប្រសិនបើចង់មានទំនាក់ទំនងរលូន និងមានប្រសិទ្ធភាព។ មិនមែនត្រឹមតែជាមួយមិត្តរួមការងាររបស់អ្នកប៉ុណ្ណោះទេ ប៉ុន្តែគឺជាមួយមនុស្សគ្រប់គ្នាដែលអ្នកជួបប្រទះក្នុងជីវិតរបស់អ្នកផងដែរ។
៥. តែងតែលើកសរសើរពីមនុស្សនៅជុំវិញខ្លួនអ្នក៖ តែត្រូវប្រាកដថាអ្នកនិយាយឱ្យបានសមរម្យ ចាប់តាំងពីចៅហ្វាយរបស់អ្នករហូតដល់ជំនួយការិយាល័យ។ អ្នកគ្រប់គ្នាតែងមានអារម្មណ៍ថាចង់ទទួលបានការកោតសរសើរចំពោះការងារដ៏លំបាកដែលពួកគេធ្វើ។ ដូច្នេះ អ្នកគួរឆ្លៀតពេលខ្លះដើម្បីកោតសរសើរពួកគេសម្រាប់ការខិតខំកន្លងមកនេះ។ សូម្បីតែការនិយាយថា “សូមអរគុណ” ក៏អាចចាត់ទុកថាជាការកោតគោរពដែរ។ ការធ្វើបែបនេះប្រាកដជាអាចធ្វើឱ្យជីវិតរបស់អ្នកមានភាពសប្បាយរីករាយនិងនិងការគោរពគ្នាទៅវិញទៅមកនៅក្នុងកន្លែងធ្វើការ។
៦. រក្សាអាកប្បកិរិយាជាវិជ្ជមានគ្រប់ពេលវេលា៖ គ្មាននរណាម្នាក់ចូលចិត្តនៅជាមួយបុគ្គលដែលតែងតែមានអាកប្បកិរិយាអវិជ្ជមានទៅកាន់អ្នកជុំវិញខ្លួនគេនោះទេ។ ដូច្នេះ ប្រសិនបើអ្នកចង់ឲ្យមិត្តរួមការងាររបស់អ្នករាប់អានជាមួយអ្នកគ្រប់ពេលវេលាដោយឃើញពីចំណុចវិជ្ជមានរបស់អ្នកនោះ អ្នកគួររក្សាខ្លួនជាបុគ្គលដែលមានគំនិតវិជ្ជមានជានិច្ច។ ៧. ត្រូវស្គាល់ច្បាស់ពីព្រំដែនផ្ទាល់ខ្លួនរបស់អ្នក៖ ការរួសរាយរាក់ទាក់ជាមួយមនុស្សគ្រប់រូបមិនមែនមានន័យថាអ្នកត្រូវតែបោះបង់ចោលខ្លួនអ្នកនោះទេ។ ការធ្វើដូច្នេះមិនត្រឹមតែធ្វើឱ្យអ្នកមិនសប្បាយចិត្តប៉ុណ្ណោះទេប៉ុន្តែវាក៏អាចប៉ះពាល់ដល់ទំនាក់ទំនងជាមួយសហការីរបស់អ្នកផងដែរ។ ដូច្នេះ អ្នកត្រូវប្រាកដថាអ្នកបានកំណត់ព្រំដែនសម្រាប់ខ្លួនឯង។
៩. ចៀសវាងការនិយាយដល់គោលនយោបាយក្នុងការិយាល័យ៖ អ្នកគួរជៀសវាងការចូលរួមជជែកអំពីគោលនយោបាយរបស់ការិយាល័យនៅគ្រប់កម្រិតទាំងអស់។ រឿងមួយចំនួនដូចជាការនិយាយដើម ឬការផ្សព្វផ្សាយពាក្យចចាមអារាមដោយចេតនា ឬដោយអចេតនាក្ដីដែលអាចធ្វើឲ្យអ្នកមើលទៅជាមនុស្សមិនល្អនៅក្នុងខ្សែភ្នែកអ្នកដទៃ។
១០. អនុវត្តជំនាញក្នុងការស្ដាប់របស់អ្នក៖ ទង្វើនៃការធ្វើជាបុគ្គលដែលចូលចិត្តស្ដាប់អាចធ្វើឱ្យអ្នកធ្វើការបានយូរ។ មនុស្សម្នាក់ៗតែងមានវិធីក្នុងការឆ្លើយតបទៅនឹងបុគ្គលដែលពិតជាចង់ស្តាប់នូវអ្វីដែលគេនិយាយ។ ដូច្នេះ នៅពេលចៅហ្វាយឬមិត្តរួមការងាររបស់អ្នកកំពុងនិយាយជាមួយអ្នកសូមយកចិត្តទុកដាក់ស្ដាប់។ ពួកគេនឹងចាត់ទុកអ្នកថាជាមនុស្សទៀងត្រង់និងគួរឱ្យទុកចិត្ត។
១០. ប្រតិបត្តិការគួរសមសាមញ្ញៗ៖ ជាការពិតណាស់ថា ការអនុវត្តការគួរសមដ៏សាមញ្ញដូចជាការនិយាយថា “អរុណសួស្ដី” នៅពេលព្រឹក ឬការសម្លឹងមើលភ្នែកនៅពេលនិយាយជាមួយនរណាម្នាក់នោះពិតជាអាចជួយដល់អ្នកក្នុងការខិតខំប្រឹងប្រែងកសាងទំនាក់ទំនងល្អជាមួយមិត្តរួមការងារ។ ការគួរសមដោយសាមញ្ញៗតែងតែត្រូវចាត់ទុកថាជាផ្នែកមួយដ៏សំខាន់នៃវប្បធម៌របស់ប្រទេសកម្ពុជា។ ហេតុដូចនេះអ្នកគួរបន្តអនុវត្តវាបន្ថែមទៀត។
១១. ប្រើប្រាស់វិធីទំនាក់ទំនងខុសៗគ្នាចំពោះបុគ្គលផ្សេងៗគ្នា ៖បុគ្គលផ្សេងគ្នាតែងចូលចិត្តវិធីសាស្ត្រក្នុងការទំនាក់ទំនងផ្សេងៗពីគ្នា។ ឧទាហរណ៍ មិត្តរួមការងារមួយចំនួនរបស់អ្នកប្រហែលជាចូលចិត្តទំនាក់ទំនងតាមរយៈអ៊ីម៉ែលព្រោះវាផ្តល់នូវកំណត់ត្រាជាលាយលក្ខណ៍អក្សរ ខណៈពេលដែលអ្នកផ្សេងទៀទៀតអាចចូលចិត្តការនិយាយទូរសព្ទដើម្បីឱ្យវាកាន់តែងាយស្រួល។ ដូច្នេះ អ្នកគួរប្រើមធ្យោបាយទំនាក់ទំនងណាដែលមិត្តរួមការងាររបស់អ្នកទំលាប់ប្រើដើម្បីទាក់ទាញនូវចំណាប់អារម្មណ៍របស់ពួកគេ។
១២. គោរពសិទ្ធសេរីភាពអ្នកដទៃ៖ អ្នកដទៃក៏ដូចជាអ្នកដែរ ពួកគេត្រូវការមានពេលវេលាផ្ទាល់ខ្លួនសម្រាប់ពួកគេ។ ការមិនគោរពព្រំដែនផ្ទាល់ខ្លួនអាចជាមធ្យោបាយមួយដែលអាចបំផ្លាញទំនាក់ទំនងដែលអ្នកមានជាមួយពួកគេ។ ដោយហេតុផលនេះ អ្នកត្រូវដឹងពីព្រំដែនផ្ទាល់ខ្លួនរបស់អ្នកដទៃ។ ដូច្នេះអ្នកនឹងអាចដឹងថា អ្នកមិនបានឆ្លងហួសព្រំដែននោះទេ។
១៣. ត្រូវច្បាស់ពីអ្វីដែលអ្នកចង់បានមុននឹងធ្វើការសួរសំណួរ៖ នៅកន្លែងធ្វើការបុគ្គលិកគ្រប់គ្នាតែងតែឱ្យតម្លៃពេលវេលារបស់ខ្លួនណាស់ ព្រោះវាបានគ្រប់គ្រងទៅលើចំនួនការងារដែលពួកគេអាចសម្រេចបាន ក្នុងរយៈពេលជាក់លាក់ណាមួយ។ ដូច្នេះ អ្នកត្រូវប្រាកដថាអ្នកចង់បានអ្វីមុននឹងសួរសំណួរទៅកាន់មិត្តរួមការងាររបស់អ្នក។
១៤. កុំលើកដាក់កំហុសឱ្យអ្នកដទៃ៖ វាពិតជាពិបាកដែរក្នុងការបំពេញការងារដោយគ្មានកំហុសសោះនោះ។ ទោះជាយ៉ាងណាក៏ដោយ អ្វីដែលអាក្រក់ជាងការប្រព្រឹត្តកំហុសឆ្គងទៀតនោះគឺការទម្លាក់កំហុសទៅបុគ្គលម្នាក់ផ្សេងទៀតនៅពេលដែលវាគួរតែជាអ្នកដែលត្រូវបានស្តីបន្ទោស។ ដូច្នេះ អ្នកគួរតែចាប់ផ្តើមមានទំនួលខុសត្រូវខ្ពស់ ប្រសិនបើអ្នកចង់ឲ្យមិត្តរួមការងារជឿ៕
ស្វែងរកការងារធ្វើ សូមចូលទៅកាន់៖ everjobs.com.kh