ទៅលេងក្រៅស្រុកជាក្ដីស្រមៃធំរបស់ សុះ ស៊ូហាណា
- 2017-12-25 08:00:33
- ចំនួនមតិ 0 | ចំនួនចែករំលែក 0
ទៅលេងក្រៅស្រុកជាក្ដីស្រមៃធំរបស់ សុះ ស៊ូហាណា
ចន្លោះមិនឃើញ
ខ្សែបម្រើរបស់ណាហ្គាវើល សុះ ស៊ូហាណា បង្ហើបថា ការទៅលេងក្រៅស្រុកជាក្ដីស្រមៃដ៏ធំរបស់ខ្លួន ព្រោះអាចទទួលបានកម្រៃច្រើន។
ការរៀបរាប់នេះក្រោយខ្លួនមើលឃើញកីឡាករឆ្នើមរបស់កម្ពុជា ចាន់ វឌ្ឍនាកា កែវ សុខផេង និង ធារី ចន្ថាប៊ីន បានទៅលេងនៅក្រៅស្រុកសម្រាប់រដូវកាលថ្មី២០១៨។ ហាណា បន្ថែមថា នេះជាសំណាងមួយរបស់កូនខ្មែរ និងជាឱកាសល្អបំផុត ដែលបានបង្ហាញកេរ្តិ៍ឈ្មោះនៅលើឆាកអន្តរជាតិ។
ខ្សែបម្រើកូនខ្មែរឥស្លាមរូបនេះមើលឃើញថា ការទទួលបានឱកាសទៅលេងក្រៅស្រុកដូចនេះក៏អាចទទួលបានការបណ្ដុះបណ្ដាលពិសេសផ្សេងៗ ដើម្បីមកអភិវឌ្ឍវិស័យបាល់ទាត់របស់កម្ពុជា។ សុះ ស៊ូហាណា នៅសល់កុងត្រា ១រដូវកាលទៀតជាមួយណាហ្គាវើល ពោលគឺផុតរដូវកាល ២០១៨ ទើបផុតកុងត្រា៕