ដឹងអត់ មួយគ្រាប់របស់ Suarez ពេលប៉ះជាមួយ Real Madrid ជាគ្រាប់ទីប៉ុន្មានរបស់ La Liga?
- 2017-12-25 12:45:17
- ចំនួនមតិ 0 | ចំនួនចែករំលែក 0
ដឹងអត់ មួយគ្រាប់របស់ Suarez ពេលប៉ះជាមួយ Real Madrid ជាគ្រាប់ទីប៉ុន្មានរបស់ La Liga?
ចន្លោះមិនឃើញ
មួយគ្រាប់នៅតង់ទី ២របស់ ខ្សែប្រយុទ្ធអ៊ុយរុយហ្គាយ Luis Suarez ពេលប៉ះជាមួយ Real Madrid កាលពីចុងសប្ដាហ៍កន្លងទៅនេះ គឺជាគ្រាប់ស៊ុតបញ្ចូលទីលើកទី ៧០០០០ ក្នុងលីគកំពូលអេស្ប៉ាញ។
នៅនាទី ៥៤ ក្នុងជំនួប El Clasico កាលពីថ្ងៃសៅរ៍ ខ្សែប្រយុទ្ធ Suarez បានធ្វើបានសម្រេចក្នុងការរកគ្រាប់បាល់ដំបូងក្នុងការប្រកួត ដោយមួយគ្រាប់នេះជួយឲ្យ Barcelona នាំមុខ Real Madrid បណ្ដោះអាសន្ននាពេលនោះ។ បើតាមការចុះផ្សាយរបស់ Marca គ្រាប់នេះជាគ្រាប់ទី ៧០០០០ ដែលត្រូវបានស៊ុតបញ្ចូលទី ក្នុងលីគ La Liga។ ដោយឡែក កីឡាករដែលស៊ុតចូលទីគ្រាប់ដំបូងបង្អស់ក្នុងក្របខ័ណ្ឌនេះ គឺ Pitus Prat Ripolles របស់ក្លឹប Espanyol ដែលធ្វើបានសម្រេច កាលពីថ្ងៃទី ១០ កុម្ភៈ ឆ្នាំ ១៩២៩ ពោលគឺប្រមាណជាង ៨៨ឆ្នាំមុន។
សូមបញ្ជាក់ផងដែរថា បន្ទាប់ពី Suarez ស៊ុតចូលទីមួយគ្រាប់ជួយឲ្យ Barca នាំមុខ ក្រោយមក ក្លឹបមួយនេះបានស៊ុតចូលពីរគ្រាប់ថែមទៀត ដោយ មួយគ្រាប់រកបានពីការស៊ុតបាល់ពិន័យ ១១ម៉ែត្ររបស់ខ្សែប្រយុទ្ធ Lionel Messi និងមួយគ្រាប់ទៀតស៊ុតដោយខ្សែការពារ Aleix Vidal ជួយឲ្យក្លឹបអ្នកមានបុណ្យឈ្នះការប្រកួត El Clasicoលើកនេះ ក្នុងលទ្ធផល ៣ទល់នឹង០ ទៅលើក្លឹប Real Madrid៕