កម្រងចម្រៀងច្រើនបទ ដែលក្រសួងហាមផ្ដាច់មិនឲ្យចាក់ផ្សាយរយៈពេលចុងក្រោយនេះ
- 2017-12-28 02:00:00
- ចំនួនមតិ 0 | ចំនួនចែករំលែក 0
កម្រងចម្រៀងច្រើនបទ ដែលក្រសួងហាមផ្ដាច់មិនឲ្យចាក់ផ្សាយរយៈពេលចុងក្រោយនេះ
ចន្លោះមិនឃើញ
ចំណាត់របស់ក្រសួងលើក្រសួងព័ត៌មានបានចាប់ផ្តើមជាបន្តបន្ទាប់នៅ ទៅបទចម្រៀង ឬ MV ដែលមានរូបភាព ឬអត្ថន័យធ្វើឲ្យប៉ះពាល់ដល់សង្គម។ តាំងពីឆ្នាំ ២០១៦ មក ក្រសួងបានហាមឃាត់ការចាក់ផ្សាយបទចម្រៀង និង MV លើប្រព័ន្ធផ្សព្វផ្សាយ បទចម្រៀងមួយចំនួនរួមមាន៖
១.បទ «ស្អាតជានិច្ច» បទចម្រៀង «ស្អាតជានិច្ច» ច្រៀងដោយ អ្នកនាង ពេជ្រ សោភា ជាមួយ អ្នកចម្រៀងរ៉េបលោក ជាដេវីត និពន្ធទំនុកដោយ នាង ពេជ្រ សោភា ស្ថិតក្នុងផលិតកម្មរស្មីហង្សមាស។ បទចម្រៀងនេះពេលដែលចេញភ្លាមមានការគាំទ្រខ្លាំងក្នុងស្រទាប់យុវវ័យ ប៉ុន្តែកាពីថ្ងៃទី២៤ ខែកុម្ភៈ ឆ្នាំ២០១៦ រដ្ឋមន្ត្រីក្រសួងព័ត៌មានបានកំហិតឲ្យម្ចាស់ស្ថានីយទូរទស្សន៍ និងវិទ្យុទាំងអស់បញ្ឈប់ការចាក់ផ្សាយចម្រៀងមួយបទមានចំណងជើងថា «ស្អាតជានិច្ច» ។ ក្រសួងព័ត៌មានបានចាត់ទុកថា ខ្លឹមសារទំនុកច្រៀងដែលនិពន្ធថ្មីនេះប្រាសចាកពីអត្ថន័យដើម ដែលបានអប់រំបណ្តុះគំនិតប្រាជ្ញាស្មារតីឲ្យកុមារឧស្សាហ៍ព្យាយាម រស់នៅស្អាត មានអនាម័យគ្រប់ពេលវេលា គ្រប់ទីកន្លែង ធ្វើឲ្យក្មេងមិនមានភាពខ្ជិលច្រអូស។
២.បទ «ស៊ីបានចេះតែស៊ីទៅ» និង បទ «ទាល់តែយូរទើបស៊ីអូនបាន»
ចម្រៀងនេះក៏រងការរិះគន់ពីពលរដ្ឋទូទៅយ៉ាងសម្បើមដែរ ក្រោយមកក្រសួងព័ត៌មានក៏បានដាក់ចេញនូវចំណាត់ការភ្លាមៗ ទៅលើបទចម្រៀងពីរបទ ដែលមានចំណងជើងថា «ស៊ីបានចេះតែស៊ីទៅ» ច្រៀងដោយលោក កែវ វាសនា ស្ថិតក្នុងផលិតកម្មថោន និងបទ «ទាល់តែយូរទើបស៊ីអូនបាន» ច្រៀងដោយ កញ្ញា ម៉ាលីស របស់ផលិតកម្មឮU Music ដោយចេញសេចក្តីជូនដំណឹងចុះថ្ងៃទី ៦ ខែកក្កដា ឆ្នាំ២០១៦ ប្រាប់ដល់បណ្តាម្ចាស់ស្ថានីយទូរទស្សន៍ និងវិទ្យុ ទាំងអស់បញ្ឈប់ការចាក់ផ្សាយនូវបទចម្រៀងទាំងពីរបទនេះ។ ចំពោះមូលហេតុនៃការបញ្ឈប់ការចាក់ផ្សាយនោះ គឺដោយសារបទទាំងពីរនេះមានអត្ថន័យប្រាសចាកសីលធម៌ខ្មែរធ្ងន់ធ្ងរ ពិសេសប៉ះពាល់ដល់កិត្តិយស និងតម្លៃស្ត្រីខ្មែរ។
៣.បទ «គ្រូបង្រៀនស្រវឹងស្រា»
កាលពីពេលថ្មីបទចម្រៀង«គ្រូបង្រៀនស្រវឹងស្រា»នេះ រងការរិះគន់ជាដំណំពីសាធារណៈជនមួយចំនួនដែរ រហូតក្រសួងព័ត៌មានទ្រាំមិន បានចេញលិខិត កាលពីថ្ងៃទី១៩ ខែធ្នូ ឆ្នាំ២០១៧ហាមមិនឲ្យចាក់ផ្សាយតាមវិទ្យុ និងទូរទស្សន៍នោះទេ។ក្រសួងលើកឡើងថាបទនេះបានប្រាសចាកអំពីអាកប្បកិរិយា និងសីលធម៌ថ្លៃថ្នូររបស់គ្រូបង្រៀនទូទៅ ធ្វើឲ្យប៉ះពាល់យ៉ាងធ្ងន់ធ្ងរដល់កិត្តិយស និងសេចក្ដីថ្លៃថ្នូររបស់គ្រូបង្រៀន ដែលអាចជះឥទ្ធិពលមិនល្អដល់សង្គមទាំងមូល។ បទចម្រៀងដែលនេះជាការច្រៀងដោយតារាចម្រៀងខ្មែរសុរិន ចេន សាយចៃ និង និពន្ធទំនុកច្រៀងដោយលោក យឹម តាស្រង់ ស្ថិតក្នុងផលិតកម្ម ថោន។
ក្រៅពីនេះកន្លងមក បើទោះជាគ្មាន ចេញលិខិតផ្លូវការ ក្នុងហាមឃាត់មិនឲ្យចាក់ផ្សាយក៏ដោយ តែត្រូវបានក្រសួងហាមឃាត់មិនឲ្យចាក់ផ្សាយ ក្នុងប្រព័ន្ធ ផ្សព្វផ្សាយ មានទូរទស្សន៍ និង វិទ្យុឡើយ ដូចជា "ឈឺត្រង់ពកណាស់, ពូកអូនប៉ុណ្ណា?, បបរក្ដៅ, ខ្ញុំចូលចិត្តញ៉ាំការ៉េម និងបទ ដួលគងចំប៉ាន់" "ជីវិតអ្នកប្រដាល់" "បាត់បងដូចបាត់ hot dog” "អាម៉ុមពុំពីត" និងបទ"សង្សារខ្ញុំចរិតបាន" ជាដើម។