Mbappe៖ Ronaldo ធ្លាប់ជាវីរបុរសរបស់ខ្ញុំ តែពេលនេះបានបញ្ចប់ហើយ
- 2017-12-28 03:30:35
- ចំនួនមតិ 0 | ចំនួនចែករំលែក 0
Mbappe៖ Ronaldo ធ្លាប់ជាវីរបុរសរបស់ខ្ញុំ តែពេលនេះបានបញ្ចប់ហើយ
ចន្លោះមិនឃើញ
Kylian Mbappe បាននិយាយថា Cristiano Ronaldo ធ្លាប់ជាវីរបុរសរបស់គេកាលពីនៅក្មេង ប៉ុន្តែពេលនេះមិនមែនទៀតទេ។
តាមពិតទៅ Mbappe ត្រូវមានឱកាសក្លាយជាមិត្តរួមក្រុមជាមួយ Ronaldo នៅ Real Madrid នៅរដូវកាលនេះ ប៉ុន្តែគេបានបដិសេធការចង់បានរបស់ Madrid ប្ដូរមកជ្រើសរើស Paris Saint-Germain វិញក្នុងតម្លៃខ្លួន១៨០លានអឺរ៉ូ តែលេងក្នុងលក្ខខណ្ឌខ្ចីជើងមួយរដូវកាលសិន។
នៅខែ កុម្ភៈខាងមុខ Mbappe និង Ronaldo ត្រូវប្រឈមមុខគ្នានៅវគ្គ១៦ក្រុមចុងក្រោយ Champions League ពេល PSG ត្រូវតទល់នឹង Madrid។ ក្នុងការប្រកួតនោះ Mbappe នឹងមានចេតនាធ្វើខ្លួនឲ្យលេចធ្លោ ដូច Ronaldo។
“Ronaldo គឺជាវីរបុរសម្នាក់របស់ខ្ញុំកាលនៅក្មេង ហើយវាពិតជាពិសេសណាស់ដែលបានជួបគេ ពេលខ្ញុំទៅលេងនៅ Madrid។ ប៉ុន្តែពេលនេះខ្ញុំគឺជាគូប្រជែងរបស់គេ ហើយខ្ញុំជាមនុស្សម្នាក់មានការប្រជែងខ្លាំង ជាពិសេសខ្ញុំចង់ឈ្នះ ឈ្នះ ឈ្នះ។ ដូច្នេះវាគ្មានអ្វីជាបញ្ហាទេ ទោះនរណានៅមុខពួកយើងក៏ដោយ។ ខ្ញុំធ្លាប់សរសើរគេ(Ronaldo) ពេលដែលខ្ញុំនៅក្មេង ប៉ុន្តែពេលនេះវាចប់ហើយ។ ពេលនេះខ្ញុំត្រូវទៅ Bernabeu ដើម្បីលេងនិងឈ្នះ"។ សម្ដីចេញពីមាត់របស់កីឡាករបារាំងវ័យ១៩ឆ្នាំប្រាប់កាសែតអេស្ប៉ាញ៕