ឆាយ វីរៈយុទ្ធ ត្រៀមខ្លួនធ្វើជាឪពុក(វីដេអូ)

2017-12-29 00:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងប្រចាំផលិតកម្មសាន់ដេ លោក ឆាយ វីរៈយុទ្ធ ត្រៀមខ្លួនធ្វើជាឪពុកក្នុងឆ្នាំ ២០១៨ ដើម្បីទទួលសមាជិកថ្មីក្នុងគ្រួសារ។ តារាចម្រៀងសំឡេងធ្ងន់ ឆាយ វីរៈយុទ្ធ ក្រោយពីរៀបអាពាហ៍ពិពាហ៍ ជាមួយអ្នកនិពន្ធរូបស្រស់ សែ ចាន់ឌី កាល ទី២១ ខែឧសភា ឆ្នាំ២០១៧ មានរយៈពេលជាងកន្លះឆ្នាំមកហើយមិនទាន់ លេចដំណឹងមានបុត្រ នៅឡើយ។ ទោះជាយ៉ាងណា លោក ឆាយ វីរៈយទ្ធ បានបង្ហើបប្រាប់ sabay ថាលោកមានគម្រោងធ្វើជាឪពុកក្នុងឆ្នាំក្រោយ។ និយាយទាំងស្នាមញញឹម លោក ថា រាល់ថ្ងៃលោករវល់ខ្លាំង ណាស់ទាំង ក្នុងសិល្បៈ និងជំនួញ តែត្រូវ តែឆ្លៀត រឿងកូនចៅ។ « គម្រោងយកកូនក្នុងពេលឆាប់ៗ នេះហើយក្នុងអំឡុងឆ្នាំ២០១៨ ខាងមុននេះហើយ កូនស្រីនិងប្រុសមួយណាក៏បានដែរឲ្យតែបាន។» មិនខុសគ្នានេះ ឧត្ដម ភរិយា លោក ឆាយ វីរៈយុទ្ធ អ្នកនាង សែ ចាន់ឌី ក៏បានបញ្ជាក់ថា ខ្លួនពិត ជាមានគម្រោង មានសមាជិកថ្មីមែនក្នុងឆ្នាំ ២០១៨។ នាង បន្តថា ការមានបុត្រក្នុងខែ៥ ឆ្នាំក្រោយ នេះដោយសារ ការមើលខែឆ្នាំ ទៅថាអ្នកទាំង២ គួរមានកូន ក្រោយចូលឆ្នាំថ្មី។ ប្តី-ប្រពន្ធមួយគូនេះអាចនិយាយបានថាជាគូរស្នេហ៍ដ៏ស័ក្ដិសម និង រកស៊ីស្មើដៃគ្នាល្អណាស់ ប្តីជា អ្នកចម្រៀង ឯភរិយាជាអ្នកនិពន្ធ ជាពិសេសឆ្លៀតពេលបើកហាងលក់អង្ករមួយទៀតផង។ មើលទៅស្ថានភាពគ្រួសារអ្នកទាំងពីរ អាចមើលថែកូនបានដោយមិនខ្វល់ពីបញ្ហាជីវភាពឡើយ៕

អត្ថបទ៖ ស្រីអូន