“បើ Pep ដឹកនាំ Man Utd នោះបិសាចក្រហមនឹងអាចលើកពាន” វីរបុរស Liverpool
- 2017-12-30 02:35:15
- ចំនួនមតិ 0 | ចំនួនចែករំលែក 0
“បើ Pep ដឹកនាំ Man Utd នោះបិសាចក្រហមនឹងអាចលើកពាន” វីរបុរស Liverpool
ចន្លោះមិនឃើញ
Jamie Carragher វីរបុរសរបស់ក្លឹប liverpool ជឿជាក់ថាប្រសិនបើលោក Pep Guardiola ដឹកនាំក្រុម Manchester United ក៏ពួកគេអាចលើកពានបានដែរនៅរដូវកាលនេះ។
Pep កំពុងតែដឹកនាំក្រុម Manchester City ដាច់ពិន្ទុក្នុងតារាងលីគកំពូលអង់គ្លេស ស្របពេលដែល Jose Mourinho ដឹកនាំក្រុម Man Utd ដេញតាមពីក្រោយ ប៉ុន្តែដាច់ពិន្ទុឆ្ងាយខ្លាំងណាស់។ លោក Jose បាននិយាយថាការដែល Man City ធ្វើបានល្អដូច្នេះ គឺមកពីពួកគេប្រើលុយទិញកីឡាករល្អៗអស់ទៅហើយ មិនអាចមាននរណាប្រដេញពួកគេបានឡើយរដូវកាលនេះ។
ផ្ទុយទៅវិញ Carragher ដែលជាពិធីករទូរទស្សន៍និងជាអតីតកីឡាករ Liverpool ផងដែរនោះ យល់ឃើញថាលុយមិនមែនជាផ្នែកសំខាន់ធ្វើឱ្យ Man City ជោគជ័យឡើយ។ ផ្ទុយទៅវិញ ចិត្តសាស្ត្ររបស់លោក Pep ជាកត្ដាសំខាន់បំផុត។ ប្រសិនបើយកលោក Pep ទៅដឹកនាំក្រុម Man Utd នោះពួកគេក៏អាចលើកពានបានដែររដូវកាលនេះ៕