ទីបំផុតក្រុម Khmer Idol របស់ វន្នី ឧត្តម រាជ និង ធារិកា បានដើរដល់ផ្លូវបញ្ចប់

2017-12-30 04:38:03
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅទីបំផុតក្រុម Khmer Idol បង្កើតឡើងដោយមាន អ៊ាម វន្នី ជាប្រធាន នឹងមាន សៅ ឧត្តម សុវត្ថិឌី ធារិកា មាស មុន្នីរាជ ជាតារាចម្រៀងក្នុងក្រុមនោះមិនបាន ១ ឆ្នាំផងឥឡូវបានដើរដល់ផ្លូវបញ្ចប់ហើយ។

ពាក់ព័ន្ធរឿងក្រុម Khmer Idol មិនអាចដំណើរការទៅមុខតទៅទៀតបាន សៅ ឧត្តម ជាសមាជិកក្នុងក្រុមបានប្រាប់ Sabay ថា ដោយសារតែម្នាក់ៗជាប់រវល់ជាមួយការងារផ្ទាល់ខ្លួន មិនមានពេលវេលាគ្រប់គ្រាន់ឲ្យគ្នាទៅវិញទៅមក ហេតុដូច្នេះហើយទើបសម្រេចចិត្តជ្រើសរើសផ្លូវដើររៀងៗខ្លួនតែម្ដងទៅដើម្បីស្វែងរកទ្រនំថ្មី។

ចំពោះការបែកបាក់គ្នានេះដែរលោក ថាមិនមានបញ្ហាអ្វីឬជម្លោះក្នុងក្រុមនោះទេ អ្នកទាំង៤ នាក់នៅតែស្រឡាញ់រាប់អានគ្នាដដែលមិនមានអ្វីប្រែប្រួលឡើយ។ ដូច្នេះសូមមហាជនកុំយល់ច្រឡំថាក្រុមលោកបែកបាក់គ្នាដោយសារតែមានរឿងល្អក់កករ និងគ្នាតទៅទៀត។

សៅ ឧត្តម បាននិយាយថា៖" មានអារម្មណ៍ថាសោកស្ដាយដែរ តែមិនដឹងធ្វើម៉េច បើពួកខ្ញុំមិនសូវមានពេលបានជួបគ្នា ព្រោះម្នាក់ៗមានកិច្ចការរវល់ផ្ទាល់ខ្លួន។ ការបែកបាក់ក្រុមហ្នឹង ១ ឆ្នាំហើយ មិនមែនថ្មីៗនេះទេ"។

អំឡុងពេលបង្កើតក្រុម Khmer Idol លើកដំបូងបទចម្រៀង ១ បទទទួលបានការគាំទ្រពីទស្សនិកជនគ្រប់មជ្ឈដ្ឋានគឺបទ "ក្រោមដំបូលមេឃតែមួយ" បកស្រាយរួមគ្នាពីតារាចម្រៀងទាំង៤ រូបមាន អ៊ាម វន្នី សៅ ឧត្តម សុវត្ថិឌី ធារិកា និង មាស មុន្នីរាជ៕