ឃើញរូបភាពទាំងនេះហើយ ខ្លោចចិត្តអាណិតឆ្កែ មុនគេយកទៅធ្វើម្ហូប
- 2017-12-31 04:52:44
- ចំនួនមតិ 0 | ចំនួនចែករំលែក 0
ឃើញរូបភាពទាំងនេះហើយ ខ្លោចចិត្តអាណិតឆ្កែ មុនគេយកទៅធ្វើម្ហូប
ចន្លោះមិនឃើញ
រូបភាពសុនក កជាប់ច្រវ៉ាក់ មុនគេសំពងក្បាលនឹងញញួរ ស្លការី លក់១ចានជិត ២,៥ ដុល្លារ ក្នុងប្រទេសឥណ្ឌូនេស៊ី ត្រូវបានកាសែតដ៏ល្បីរបស់អង់គ្លេស The Mirror ចុះផ្សាយថ្មីៗនេះ ដោយបានពណ៌នា ថាជាទង្វើដ៏ព្រៃផ្សៃ។
រូបភាពទាំងនេះ ត្រូវបានអ្នកកាសែតឈ្មោះ Eko Siswono Toyudho ថតនៅក្នុងភោជនីយដ្ឋានសាច់ឆ្កែមួយកន្លែងនៅទីក្រុងហ្សាកាតា។ Eko និយាយថា មូលហេតុដែលលោកអាចចូលកន្លែងធ្វើឆ្កែបាន ព្រោះម្ចាស់ហាងជាមិត្តជិតស្និទ្ធរបស់លោក ហើយគេអនុញ្ញាតឲ្យលោកថតរូប។
រូបទាំងនេះលោកថតបានតាំងពីខែកញ្ញា ឆ្នាំ២០១៥ ប៉ុន្តែលោកទើបដាច់ចិត្តបញ្ចេញ ដោយសារទ្រាំមិនបាននឹងរូបភាពតក់ស្លុតទាំងនោះ។
ក្នុងរូបភាព ឆ្កែជាប់ច្រវ៉ាក់នៅនឹងក រូបភាពមួយទៀត បង្ហាញពីក្បាលឆ្កែដែលគេសំពងនឹងញញួរហូរឈាមគួរឲ្យអណោចអធម៌ និង រូបសាច់ឆ្កែចិញ្រាំស្លការី។ Eko ដែលបានឃើញហេតុការណ៍នោះបានរៀបរាប់ថា ឆ្កែទាំងនោះ គេឲ្យស៊ីបាយដូចមនុស្ស និង ស៊ីបន្លែមុនយកពួកវាទៅធ្វើ។ ឆ្កែពី៣ ទៅ ៦ ក្បាលគេធ្វើជារៀងរាល់ថ្ងៃគ្រាន់តែកន្លែងនោះមួយ។
គេជឿថាប្រជាជនឥណ្ឌូនេស៊ីប្រមាណ ៧% (ឬ ១៨,៣ លាននាក់) បរិភោគសាច់ឆ្កែ ដែលនេះអាចជាការគម្រាមកំហែងដល់ការឆ្លងនៃជំងឺឆ្កែឆ្កួត។ ប្រភពខាងលើបន្ត៕