ឡូយមែន! #Iamoriginal ប្រមូលផ្តុំសុទ្ធតែជើងខ្លាំងខាងផ្នែកនិពន្ធតន្ត្រីដែលមិនចម្លងពីគេ

2017-12-31 07:39:28
ចំនួនមតិ 0 | ចំនួនចែករំលែក 0

ចន្លោះមិនឃើញ

មូលនិធិតន្រ្តីដំបូងគេនៅកម្ពុជា #Iamoriginal បានលើកស្ទួយសិល្បករតន្រ្តីករ និងតារាចម្រៀង ដែលមានស្នាដៃថ្មីៗ ប្លែកៗ និងមិនចម្លងគេឱ្យបង្កើតបានជាអាល់ប៊ុមបទចម្រៀងថ្មី ១០បទពិសេសៗ រៀបរាប់ពីអារម្មណ៍ពិត ទាក់ទងនឹងជីវិតពិត និងបង្ហាញពីរូបភាពសង្គម។

តារាចម្រៀង Original Song

#Iamoriginal Season1 នេះប្រមូលផ្តុំតារាចម្រៀង Original Song បាន ១៣ រូប ចូលរួមជាមួយគ្នា បង្កើតបទចម្រៀងថ្មី ដែលមានដូចជា លោក P-Sand, Ma Chanpanha, Van Chesda, Sai, Sivping Chong, កញ្ញា Nikki Nikki, ADDA Angel, Keo Sophia, Run Syra, និង Small World Small Band ក្រុមតូច ដែលមានសមាជិក ៤នាក់ ដែលអ្នកទាំង ១៣រូបធ្លាប់ជាតារាចម្រៀង ដោយឡែកៗពីគ្នា និងមិនមានធនធាន ឬការឧបត្ថម្ភ ណាមួយដើម្បីផលិតចម្រៀងឡើយកាលពីមុនដំបូង។

តារាចម្រៀង Original Song

លោក P-Sand ក៏ដូចជា Sai បានឆ្លើយប្រាប់អ្នកសារពត៌មានថាដោយក្តី ស្រលាញ់ និងការចង់ឃើញវិស័យតន្រ្តី និងចម្រៀងនៅក្នុងស្រុកខ្មែរ មានបទដ្ឋានជាតិមួយ ដែលអាចធ្វើឱ្យបរទេសស្គាល់ថាជំនាន នេះក៏មានយុវជន ផលិតចម្រៀង និងតន្រ្តីថ្មីតាមសម័យកាល ដែលមិនចម្លង និងមានមោទនភាពជាតិ ទើបក្រុម #Iamoriginal ត្រូវបានបង្កើតឡើង។

លោក P-Sand និង Sai

លោក ហង្ស សុខារ៉ូ អ្នកគ្រប់គ្រងគម្រោង #Iamoriginal បានបញ្ជាក់ទៀតថា ការផលិតចម្រៀងរបស់តារា Original Song ទាំងនេះគឺកើតចេះពីបេះដូង និងឆន្ទៈរបស់ពួកគាត់ ហើយ ពួកគាត់ក៏មិនទទួលបានកម្រៃឡើយពីការបង្កើតចម្រៀង ដែលមានទំនុកថ្មីប្លែកៗទាំងនេះ ហើយក៏មិនតម្រូវតាមទីផ្សារដែរ តែតម្រូវតាមទេពកោសល្យ និងទស្សនៈរបស់ពួកគាត់ ហើយដែលពិសេសនោះបទចម្រៀងទាំងអស់សុទ្ធសឹងបង្កប់ដោយសារអប់រំ និងអត្ថន័យជក់ចិត្ត និងមានខ្លឹមសារ ចូលរួមក្នុងការលើកកម្ពុស់កិត្តយសសង្គម និងលើកទឹកចិត្តដល់យុវវ័យសម័យថ្មីឱ្យស្វែងយល់ពីខ្លួនឯង។

លោក ហង្ស សុខារ៉ូ

តាមរយៈ លោក ហង្ស សុខារ៉ូ អ្នកគ្រប់គ្រងគម្រោង #Iamoriginal បានបន្តថា ចុងឆ្នាំ ២០១៧ នេះ ជាការសម្ភោធ អាល់ប៊ុម #Iamoriginal Stronger Together ហើយក៏ជាការបញ្ចប់ Season 1 នៃកម្មវិធី #Iamoriginal ដែរ។ តែគម្រោងឆ្នាំថ្មី #Iamoriginal Season2 ប្រាកដជាកាន់តែថ្មី កាន់តែពិសេស សម្រាប់ប្រិយមិត្តអ្នកគាំទ្រសិល្បៈចម្រៀងដែលមិនចម្លងពីគេ៕