ចូលឆ្នាំថ្មីភ្លាម ធ្លាយរូប G-Dragon លួចណាត់ស្ងាត់ៗជាមួយអតីតសមាជិក After School ភ្លែត
- 2018-01-01 02:42:44
- ចំនួនមតិ 0 | ចំនួនចែករំលែក 0
ចូលឆ្នាំថ្មីភ្លាម ធ្លាយរូប G-Dragon លួចណាត់ស្ងាត់ៗជាមួយអតីតសមាជិក After School ភ្លែត
ចន្លោះមិនឃើញ
បន្ទាប់ពីធ្លាប់ទទួលព័ត៌មានថា G-Dragon និងតារាស្រី Joo Yeon មានទំនាក់ទំនងស្នេហានឹងគ្នា មហាជនជាច្រើនបានផ្ដោតការយកចិត្តទុកដាក់ទ្វេដងចំពោះតារាទាំង ២។
ជាក់ស្ដែង ព័ត៌មានស្នេហារវាងមេក្រុម BIGBANG និងតារាស្រីស្រស់សោភា Joo Yeon ផ្ទុះឡើងម្ដងមកហើយ កាលពីអំឡុងខែវិច្ឆិកា។ ពេលនោះដែរ ក្រោយពេលដឹងដំណឹងនេះ ខាងផលិតកម្មទាំង ២ មិនបានបដិសេធឡើយ គ្រាន់តែបញ្ជាក់ថា នេះជារឿងបុគ្គលដូចនេះ ផលិតកម្មគ្មានសិទ្ធិហាមឃាត់ ឫចេះដឹងឡើយ។
ដោយឡែក នៅដើមឆ្នាំ ២០១៨ នេះ វិបសាយ Dispatch បានបង្ហាញរូបភាពមួយចំនួន របស់តារាប្រុសស្រី ២រូបដែលប្រម៉ាញ់បាន។ តារាទាំង ២គ្មានអ្នកណាក្រៅពី G-Dragon និង Joo Yeon ឡើយ។
តាមរូបភាពទាំងនោះ វិបសាយដដែលបានបញ្ជាក់ថា អ្នកទាំង ២បានលួចណាត់គ្នាស្ងាត់ៗនៅកោះ Jeju។ ពួកគេបានធ្វើដំណើរ ដោយជិះយន្ដហោះផ្សេងគ្នា ប៉ុន្តែមកជុំគ្នានៅលើកោះតែម្ដង។ ក្នុងដំោះរនោះដែរ តារាស្រី អតីតសមាជិកក្រុម After School រូបនេះមានការអមដំណើរដោយអ្នកចាត់ចែងរបស់ G-Dragon។
សកម្មភាពទាំងនេះ រឹតតែធ្វើឲ្យអ្នកគាំទ្រភាគច្រើនផ្ដោតការសង្ស័យកាន់តែខ្លាំង ពីទំនាក់ទំនងស៊ីជម្រៅខុសពីមិត្តធម្មតា របស់ អ្នកទាំង ២ ថែមទៀត៕