ដើម្បីអបអរខួបរៀបការ ៣ឆ្នាំ សូជីអូ ខំធ្វើរឿង១ជាពិសេសបំផុត ជូនម៉ារីម៉ា (វីដេអូ)

2018-01-01 03:31:23
ចំនួនមតិ 0 | ចំនួនចែករំលែក 0

ចន្លោះមិនឃើញ

គូស្នេហ៍តារាសម្ដែង ម៉ារីម៉ា និងស្វាមី តែងទទួលបានការកោតសរសើរស្ញប់ស្ញែងពីអ្នកគាំទ្រជុំវិញពិភពលោក សម្រាប់ក្ដីស្រឡាញ់ដែលប្ដីប្រពន្ធ១គូនេះផ្ដល់ឲ្យគ្នា ទាំងមុន និងក្រោយរៀបការ។

យ៉ាងណាមិញ ធ្មេចបើកៗកន្លងផុតទៅអស់រយៈពេល ៣ឆ្នាំទៅហើយដែល គូស្នេហ៍តារាហ្វីលីពីននេះ បានរៀបមង្គលការ។ ជាមួយគ្នានោះ ដើម្បីអបអរខួបអាពាហ៍ពិពាហ៍ គម្រប់ ៣ឆ្នាំ Dingdong និង Marian (ម៉ារីម៉ា) ព្រមទាំងកូនស្រីបណ្ដូលចិត្ត បានធ្វើដំណើរទៅកាន់កោះ Siargao ដែលជាតំបន់កម្សាន្តល្បីមួយកន្លែងប្រចាំប្រទេសហ្វីលីពីន ហើយក៏ជាកន្លែងដែលពួកគេតែងចំណាយពេលទៅសម្រាកលម្ហែកាយជាញឹកញយដែរ។

ដោយឡែក ស្ថិតក្នុងពេលវេលាមិនអាចបំភ្លេចបាននោះ តារាសម្ដែង Dingdong Dantes ដែលភាគច្រើនតែងហៅថាជា "សូជីអូ" បានបង្ហោះវីដេអូមួយទុកជាកាដូដ៏ពិសេសបំផុតសម្រាប់ភរិយាសំណព្វចិត្ត។ អមជាមួយគ្នានោះ លោកក៏បានសរសេរខ្លីមួយថា៖ "Marian Gracia Dantes, បងប្រហែលជាមិនមានកាដូពិសេសសម្រាប់ជូនអូនទេក្នុងឆ្នាំនេះ ប៉ុន្តែបងមានតែវីដេអូនេះ ជូនដល់អូន”។

ទស្សនាវីដេអូដូចខាងក្រោម៖

គ្រប់គ្នា ដែលបានទស្សនាវីដេអូនេះហើយ មានអារម្មណ៍រំភើបគ្រប់គ្នា ចំពោះទឹកចិត្តស្វាមីដ៏ល្អដូច Dingdong។ អ្នកគាំទ្ររបស់តារាប្រុសរូបនេះភាគច្រើនសុទ្ធតែបានដឹងហើយថា ប្ដីប្រពន្ធ១គូនេះ មានការងាររវល់រៀងៗខ្លួន ប៉ុន្តែទោះជាយ៉ាងណា ពួកគេមិនដែលភ្លេចថ្ងៃសំខាន់របស់គ្នា និងតែងចំណាយពេលមានតម្លៃធ្វើរឿងដ៏សែនមានន័យសម្រាប់គ្នាជានិច្ច៕

ប្រភព៖ Team Dantes ប្រែសម្រួល៖ យី សុធារី