Mourinho ប្រតិកម្មនឹង Scholes ហើយថាពូកែតែរឿងរិះគន់

2018-01-02 08:28:11
ចំនួនមតិ 0 | ចំនួនចែករំលែក 0

ចន្លោះមិនឃើញ

Jose Mourinho បានប្រតិកម្មតបទៅអតីតខ្សែបម្រើលោក Paul Scholes បន្ទាប់ពីវីរបុរស Manchester United រិះគន់លើទម្រង់លេងរបស់ Paul Pogba។

Mourinho

ការវាយបកទៅ Scholes របស់អ្នកចាត់ការសញ្ជាតិព័រទុយហ្គាល់ បន្ទាប់ពីអ្នកវិភាគរូបនេះនិយាយថា Pogba មិនមែនជាកីឡាករដែលអាចជួយក្រុមឈ្នះការប្រកួត និងមិនសក្ដិសមជាមួយតម្លៃ៩០លានអឺរ៉ូ។ "Pogba មើលទៅមិនមាំទាំសោះ ខ្ញុំមិនដឹងថាគេបានហ្វឹកហាត់ត្រឹមត្រូវឬអត់"។

ក្រោយឭការលើកឡើងដូច្នោះ Mourinho បានតបវិញថា ជំនាញតែម្យ៉ាងគត់របស់ Scholes គឺរិះគន់។ "ខ្ញុំមិនគិតថា Scholes បញ្ចេញមតិទេ តែបើថារិះគន់គឺត្រូវជាង។ គ្មានកីឡាករណាអស្ចារ្យដូចគាត់ទេ។ គាត់ធ្លាប់ជាកីឡាករដ៏អស្ចារ្យ ហើយយើងទាំងអស់គ្នាមិនអាចធ្វើដូចឡើយ។ ចំពោះ Pogba ពេលខ្លះគេលេងល្អបំផុត, ពេលខ្លះល្អតិចៗ និងមានពេលខ្លះគឺលេងមិនល្អ ប៉ុន្តែគេប្រឹងប្រែងណាស់។ Mourinho និយាយ។

Scholes បច្ចុប្បន្នគឺជាអ្នកវិភាគ និងជាពិធីករទូរទស្សន៍កីឡា BT Sport។ លោកធ្លាប់ជាកីឡាករដ៏ឆ្នើមរបស់ Manchester United ចន្លោះពីឆ្នាំ១៩៩៣ និង២០១៣។ ក្នុងនាមជាខ្សែបម្រើ បុរសវ័យ៤៣ឆ្នាំរូបនេះស៊ុតបញ្ចូលទីបាន ១០៧គ្រាប់៕