Mane និង Salah ដឹកដៃគ្នាហោះទៅប្រទេសហ្គាណា នាថ្ងៃព្រហស្បតិ៍ខាងមុខ
- 2018-01-02 14:03:50
- ចំនួនមតិ 0 | ចំនួនចែករំលែក 0
Mane និង Salah ដឹកដៃគ្នាហោះទៅប្រទេសហ្គាណា នាថ្ងៃព្រហស្បតិ៍ខាងមុខ
ចន្លោះមិនឃើញ
ខ្សែប្រយុទ្ធ Sadio Mane និង Mohamed Salah កាលពីពេលថ្មីៗនេះ ត្រូវបានលោក Jurgen Klopp អនុញ្ញាតឲ្យទៅប្រទេសហ្គាណានាថ្ងៃព្រហស្បតិ៍ខាងមុខ ដើម្បីចូលរួមក្នុងកម្មវិធីប្រគល់ពានកីឡាករអាហ្វ្រិកល្អបំផុតប្រចាំឆ្នាំ ធ្វើឡើងដោយសម្ព័ន្ធបាល់ទាត់អាហ្វ្រិក CAFនៅទីនោះ។ នេះបើទោះជាដំណើរនេះ មានរយៈពេល ២៤ម៉ោងប៉ុណ្ណោះមុនពេល Liverpool ប៉ះជាមួយ Everton ក្នុងកម្មវិធី FA Cup។
អ្នកចាត់ការក្លឹបហង្សក្រហម លោក Klopp បានពន្យល់មូលហេតុដែលលោកអនុញ្ញាតឲ្យកីឡាករទាំងពីរទៅហ្គាណា ថា៖ "យើងបានរៀបចំអ្វីៗគ្រប់យ៉ាង ឲ្យមានភាពរៀបរយអស់ហើយ។ យើងមានកីឡាករ ២ ក្នុងចំណោមកីឡាករល្អបំផុតបីនាក់របស់អាហ្វ្រិក។ ដូច្នេះយើងត្រូវតែបង្ហាញការគោរពដល់ពួកគេ"។
សូមបញ្ជាក់ផងដែរថា បេក្ខភាពក្នុងការប្រជែងពានកីឡាករអាហ្វ្រិកល្អបំផុតប្រចាំឆ្នាំរបស់ CAF មានបីរូប ក្នុងនោះគឺ Mane, Salah និងម្នាក់ទៀតគឺខ្សែប្រយុទ្ធ Pierre-Emerick Aubameyang របស់ក្លឹប Borussia Dortmund៕