សេដ្ឋី YouTube ចេញវីដេអូសុំទោសពិភពលោក
- 2018-01-03 01:53:50
- ចំនួនមតិ 0 | ចំនួនចែករំលែក 0
សេដ្ឋី YouTube ចេញវីដេអូសុំទោសពិភពលោក
ចន្លោះមិនឃើញ
ក្រោយពីបានបង្ហោះសារសុំទោសលើគណនី Twitter រួច ពេលនេះ Logan Paul បានបន្តបញ្ចេញវីដេអូខ្លីមួយទៀតលើគណនី YouTube របស់ខ្លួន ដើម្បីធ្វើការសុំទោសដល់មនុស្សជុំវិញពិភពលោក ចំពោះទង្វើដែលបានប្រព្រឹត្ត។
វីដេអូសុំទោសទើបតែបង្ហោះកាលពីប្រមាណ ៧ ម៉ោងមុន ដោយពេលនេះមានអ្នកទស្សនាដល់ជាង ៧ លានដង និងបានជាប់ជាវីដេអូកំពុងពេញនិយម (Trending) លំដាប់ថ្នាក់លេខ ១ លើ YouTube ផងដែរ។ គួរកត់សម្គាល់ដែរនោះ វីដេអូមានចំនួន Like ខ្ទង់ ៧ សែន និងមានចំនួន Dislike ដល់ខ្ទង់ ៤០០ សែនឯណោះ ជាចំនួន Dislike ដ៏ខ្ពស់មួយ។
នៅក្នុងវីដេអូ តារា YouTube វ័យ ២២ ឆ្នាំរូបនេះ បានសុំទោសដល់អ្នកលេងអ៊ីនធឺណិត, អ្នកដែលបានមើលវីដេអូបង្ហាញពីមនុស្សចងកនៅជប៉ុន ហើយបានសុំទោសអស់ពីចិត្តដល់ជនរងគ្រោះ និងក្រុមគ្រួសារជនរងគ្រោះដែលបានចងកសម្លាប់ខ្លួនផងដែរ។
ការបញ្ចេញសារសុំទោសជាហូរហែនេះកើតមានឡើងក្រោយពី តារា YouTube ដែលរកចំណូលបាន ១២,៥ លានដុល្លារនៅឆ្នាំ ២០១៧ រួបនេះ បានបង្ហោះវីដេអូមួយបង្ហាញពីសាកសពបុរសម្នាក់ចងកជាប់នឹងដើមឈើក្នុងព្រៃធ្វើអត្តឃាតរបស់ជនជាតិជប៉ុន (Japanese Suicide Forest) និងបានបង្ហាញកាយវិការដែលមិនគោរពដល់សាកសព៕