ដឹងច្បាស់ថ្ងៃ Ryan Giggs មកលេងស្រុកខ្មែរ នៅកោះពេជ្រហើយ

2018-01-03 06:58:51
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីប៉ុន្មានថ្ងៃមុននោះ កម្មវិធី Tiger Street Football Festival 2018 បានប្រកាសថាពួកគេនឹងអញ្ជើញវីរបុរស Manchester United ឈ្មោះថា Ryan Giggs មកកម្ពុជាដើម្បីឱ្យអ្នកគាំទ្របានជួបផ្ទាល់ជាកំពូលកីឡាករម្នាក់នេះ។

ដោយឡែកពេលវេលាដែលអតីតកីឡាករជើងខ្លាំងបិសាចក្រហមមកកម្ពុជានោះគឺនៅថ្ងៃផ្ដាច់ព្រ័ត្រពានរង្វាន់ Tiger Street Football Festival 2018 តែម្ដង។ ការប្រកួតផ្ដាច់ព្រ័ត្រនោះនឹងធ្វើឡើងនៅថ្ងៃ១០ ១១ខែមីនាឆ្នាំ២០១៨ នៅខាងមុខបរិវេណសាលមហោស្រពកោះពេជ្រ រាជធានីភ្នំពេញ។

តើប្រិយមិត្តមានឆ្ងល់ទេ ថាអ្វីទៅជាកម្មវិធី Tiger Street ហើយហៅកំពូលកីឡាករកម្រិតពិភពលោកមកចូលរួមបាន? ជាក់ស្ដែងទៅ Tiger Street Football Festival គឺជាការប្រកួតបាល់ទាត់ដែលបានរៀបចំឡើងដោយក្រុមហ៊ុនស្រាបៀរ ថៃហ្គ័រ ក្នុងគោលបំណងចូលរួមចំណែកនិងអភិវឌ្ឍវិស័យកីឡានៅកម្ពុជា។ Tiger Street Football Festival មិនដូចបាល់ទាត់ធម្មតា ហ្វូតសាល និងបាល់ទាត់ប្រភេទផ្សេងទៀតទេ។ វាគឺជាការប្រកួតបាល់ទាត់នៅលើទីលានរាងទ្រវែងទំហំ២៥មx១៤.៥មដែលជាកន្លែងប្រមូលផ្តុំសកម្មភាពប្រកួតឥតឈប់ឈរ។

ការប្រកួតដែលមានកីឡាករមិនលើសពី៥នាក់នៅលើទីលាន មានសកម្មភាពប្រកួតយ៉ាងស្វិតស្វាញ ឥតឈប់ឈរនឹងធ្វើឲ្យទស្សនិកជនរំភើបរីករាយទស្សនាការប្រកួតនោះ។ ការប្រកួតមានរយៈពេលសរុប១២នាទី ដែលបែងចែកជាពីរវគ្គ មានរយៈពេល៦នាទីពីរដង ហើយមានការសម្រាក២នាទីនៅចន្លោះវគ្គ(៦នាទី)ទាំងពីរ។ សម្រាប់ការប្រកួតចាប់ពីវគ្គពាក់កណ្តាលផ្តាច់ព្រ័ត្រ (បួនក្រុមចុងក្រោយ) ការប្រកួតនីមួយៗមានរយៈពេល ១០នាទីពីរវគ្គ និងមានរយៈពេលសម្រាកចន្លោះវគ្គចំនួន ៤នាទី។

សម្រាប់ Tiger Street Football Festival ឆ្នាំ ២០១៨ នេះគឺជាឆ្នាំទី ៦ នៃព្រឹត្តិការណ៍បាល់ទាត់ដ៏ធំអស្ចារ្យ មានក្រុមចូលរួមកាន់តែច្រើន ដោយរំពឹងថា ក្រុមជាង ៥០០ ក្រុមនឹងចូលរួមការប្រកួតវគ្គជម្រុះតាមតំបន់។ ការប្រកួតវគ្គជម្រុះនេះនឹងធ្វើឡើង នៅតាមបណ្តាខេត្តក្រុងចំនួន៨រួមមាន៖ ព្រះសីហនុ កំពង់ស្ពឺ បាត់ដំបង សៀមរាប ប៉ោយប៉ែត កំពង់ចាម កណ្តាល និងរាជធានីភ្នំពេញចាប់ពីថ្ងៃទី ២០ មករា រហូតដល់ថ្ងៃទី ១១ ខែមីនា ២០១៨។ ៥០ក្រុមកំពូលនឹងចូលរួមវគ្គផ្តាច់ព្រ័ត្តដែលនឹងធ្វើឡើងរាជធានីភ្នំពេញនៅថ្ងៃទី ១១ ខែមីនា ២០១៨។ ចំពោះឆ្នាំនេះដែរ កម្មវិធីនេះមានប្រាក់រង្វាន់រហូតដល់ទៅ៥ម៉ឺនដុល្លារអាមេរិកឯណោះ៕

អត្ថបទ៖ មុន្នីរម្យ