ធ្លាយរូបអាក្រាតកាយ ឌីជេ អាលីយ៉ា លើបណ្ដាញសង្គមគួរឲ្យភ្ញាក់ផ្អើល

2018-01-04 01:51:56
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅមុននេះបន្តិច ឌីជេ អាលីយ៉ា ដែលនិយមបង្ហាញរូបភាពសិល្បៈសិចស៊ីជាហូរហែនាពេលកន្លងមកនោះ បានលេចធ្លាយរូបសិចស៊ីថ្មីមួយប៉ុន្មាននាទីមុននេះ អាក្រាតមួយដងខ្លួនតែម្ដងនៅលើបណ្ដាញសង្គមធ្វើឲ្យមានការភ្ញាក់ផ្អើល។

រូបភាពពណ៌ខ្មៅដែលត្រូវកែប្រែដោយបច្ចេកទេសកុំព្យូទ័រនោះ គេឃើញអាលីយ៉ា មិនមានសំលៀកបំពាក់បិទបាំងឡើយ ក្នុងនោះសូម្បីតែដើមទ្រូង។ រូបភាពដែលកម្រឃើញនេះ ធ្វើឲ្យមានការភ្ញាក់ផ្អើលភ្លាមៗ។

ត្រឹម១នាទីប៉ុណ្ណោះ អ្នកប្រើប្រាស់បណ្ដាញសង្គមមួយរូប បានចូលទៅសរសេរសារបង្ហាញពីការហួសចិត្តថា "ចុម...ម៉េចហ្នឹង idol "។ មិនដឹងថា មានបញ្ហាអ្វីទើប បណ្ដាលឲ្យរូបភាពមួយប៉ុស្តិ៍នេះ លេចលើបណ្ដាញសង្គមដូច្នេះ ឬក៏មានជនអនាមិកលួចយកគណនីរបស់តារាស្រីរូបនេះ ហើយបង្ហោះរូបមួយសន្លឹកខាងលើក្នុងន័យបង្ខូចកេរ្តិ៍ឈ្មោះនាង ឬយ៉ាងណា។

ជុំវិញបញ្ហានេះ សាមីខ្លួន អាលីយ៉ា ប្រាប់ថា រូបនោះ គឺនាងជាអ្នកបង្ហោះដោយខ្លួនឯង តាមនិស្ស័យរបស់នាងដែលចូលចិត្តសិល្បៈបែបបច្ចឹមប្រទេស។ បែបនេះក្ដី រូបភាពសិចស៊ីខាងលើ ត្រូវបានលុបចេញវិញភ្លាមៗ ក្រោយបង្ហោះឡើងត្រឹមប៉ុន្មាននាទីប៉ុណ្ណោះ។

អាលីយ៉ា ប្រាប់ថា នាងមិនបានលុបទេ គឺហ្វេសប៊ុកជាអ្នកលុប "ខ្ញុំអត់បានលុបទេ ប៉ុន្តែហ្វេសប៊ុកផ្អឹបទុកសិនដោយពាក់ព័ន្ធនឹងកម្មសិទ្ធិបញ្ហា ឥឡូវខ្ញុំផុសលែងបានហើយ ទាល់តែ២ថ្ងៃទៀតទើបអាចផុសបានវិញ"។

នេះមិនមែនជាលើកទី១ទេ ដែល អាលីយ៉ា បង្ហោះរូបសិចស៊ី ដោយកន្លងមកនាងបានបង្ហោះរូបស្រដៀងនេះ បន្តបន្ទាប់រួចមកហើយ។ ប៉ុន្តែភាគច្រើននៃរូបក្នុងអតីតកាល គឺមានសំលៀកបំពាក់បិទបាំងផ្នែកសំខាន់ៗនៃរាងកាយ។ អាលីយ៉ា អះអាងថា ការថតរូបសិចស៊ី គឺជាការកម្សាន្តមួយរបស់នាង។ ប៉ុន្តែមិនមែនជានិស្ស័យសិល្បៈតែមួយគត់របស់នាងនោះទេ។

"ខ្ញុំស្រឡាញ់សិល្បៈទាំងអស់ មិនមែនតែភាពសិចស៊ីទេ តែវាផ្នែកមួយនៃជីវិតសិល្បៈរបស់ខ្ញុំ"

តាមសាមីខ្លួន ក្រៅពីរូបភាពសិល្បៈបែបសិចស៊ី នាង ក៏ធ្លាប់បានបង្ហាញរូបភាពសិល្បៈជាលក្ខណៈនារីខ្មែរមានប្រពៃណីទំនៀមទម្លាប់ផូរផង់ដែរ នាពេលកន្លងមក មានដូចជារូបស្ត្រីចោមពង់ងូតទឹក ឬទូលក្អមជាដើម៕