ថ្ងៃស្អែក ចាន់ វឌ្ឍនាកា នឹងបង្ហាញខ្លួនលើកដំបូងឲ្យ Pahang លើទឹកដីថៃ

2018-01-04 02:06:54
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកជម្រើសជាតិកម្ពុជា ចាន់ វឌ្ឍនាកា បានធ្វើដំណើរជាមួយក្រុមសមាជិកលីគកំពូលម៉ាឡេស៊ី Pahang FC ទៅប្រទេសថៃដើម្បីកម្តៅសាច់ដុំជាមួយក្រុមថៃ២ និង១ក្រុមទៀតមកពីប្រទេសកូរ៉េខាងត្បូងដើម្បីត្រៀមខ្លួនសម្រាប់យុទ្ធនាការណ៍រដូវកាលថ្មី Super Super League នាពេលខាងមុខ។

ចាន់ វឌ្ឍនាកា ក្រោយស៊ុតចូលទី Muangthong ជំនួបមិត្តភាព២០១៥

តាមការគ្រោងទុកក្រុម Pahang ដែល ចាន់ វឌ្ឍនាកាស្នាក់នៅមួយរដូវកាលត្រូវជួបក្រុមជើងឯកថៃ Muangthong United នាថ្ងៃទី៥ ខែមករា និងជួបសមាជិកលីគកំពូលថៃថ្មីគឺក្រុម Air Force Central FC នាថ្ងៃទី៧ ខែមករា ហើយចុងក្រោយជួបក្រុមមកពីកូរ៉េខាងត្បូង Gyeongnam FC ថ្ងៃទី៩ ខែមករា។

ក្រុម Pahang បានធ្វើដំណើរកាលពីថ្ងៃទី៣ ខែមករា ម្សិលមិញមានសមាជិកថ្មី២នាក់ដែលទៅជាមួយគឺសមាជិកជម្រើសជាតិកម្ពុជា ចាន់ វឌ្ឍនាកា និងកីឡាករសិង្ហបុរី Safuan Baharuddin។ សមាជិកក្នុងស្រុកផ្សេងទៀតក៏រួមដំណើរដែរដូចជា Norshahrul idlan, Mohd Brother Umar, Mohd Hazri rozali និង Mohd Wafieyuddin។

នេះជាឱកាសដ៏ល្អដែលអតីតកីឡាករបឹងកេត និង Fujieda MYFC ចាន់ វឌ្ឍនាកាបង្ហាញខ្លួនទល់នឹងក្រុមខ្លាំងៗនៅលើទឹកដីថៃ និងឲ្យក្រុមខ្លាំងនៅថៃបានឃើញពីសមត្ថភាពរបស់គេ៕