Morata បង្ហោះសារមួយ ក្រោយរងការទិតៀនរឿងធ្លាក់ទម្រង់លេងពេលប៉ះ Arsenal

2018-01-04 13:37:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Alvaro Morata ក្នុងថ្ងៃនេះ បានបង្ហោះសារថា ខ្លួននឹងព្យាយាមហ្វឹកហាត់ថែមទៀត ក្រោយពីបង្ហាញទម្រង់លេងមិនសូវបានល្អពេលប៉ះជាមួយ Arsenal។

Morata បានសរសេរក្នុងសារ Twitter ថា៖ "នៅពេលដែលរឿងអីមួយកើតឡើងមិនដូចអ្វីដែលរំពឹងទុក មានតែវិធីមួយប៉ុណ្ណោះ ដើម្បីដោះស្រាយរឿងហ្នឹង នោះគឺការប្រឹងប្រែងបន្តទៅទៀត"។

សាររបស់ Morata ធ្វើឡើងក្រោយកីឡាករអេស្ប៉ាញរូបនេះ បានធ្វើមិនបានសម្រេចនូវឱកាសស៊ុតជាច្រើនដង ពេល Chelsea ប៉ះជាមួយក្លឹបកាំភ្លើងធំ ដោយការប្រកួតបញ្ចប់ទៅដោយលទ្ធផល ២ ទល់នឹង ២។

សូមបញ្ជាក់ផងដែរថា ក្រោយពីផ្ទេរមកក្លឹបតោខៀវ កាលពីខែកក្កដាកន្លងទៅ ខ្សែប្រយុទ្ធ Alvaro Morata បានបង្ហាញទម្រង់លេងបានយ៉ាងល្អ ឲ្យក្លឹបមួយនេះ ដោយគិតមកទល់នេះ ស៊ុតចូលបាន ១០គ្រាប់ហើយនៅលីគកំពូលអង់គ្លេស។ ទោះជាយ៉ាងណា ប៉ុន្មានប្រកួតចុងក្រោយ ហាក់មានភាពយ៉ាប់យឺនបន្តិចសម្រាប់កីឡាកររូបនេះ ដោយ Morata បានធ្វើមិនបានសម្រេចឱកាសស៊ុតជាច្រើនលើក៕

ប្រភព៖ Metro ប្រែសម្រួល៖ ហ៊ីម រស្មី