Apple ប្រាប់ថាគ្រប់ iPhone, iPad និង MacBook មានកំហុសបច្ចេកទេស
- 2018-01-05 03:00:46
- ចំនួនមតិ 0 | ចំនួនចែករំលែក 0
Apple ប្រាប់ថាគ្រប់ iPhone, iPad និង MacBook មានកំហុសបច្ចេកទេស
ចន្លោះមិនឃើញ
Apple បានចេញមុខបញ្ជាក់កាលពីម្សិលមិញថាគ្រប់ឧបករណ៍ iOS និង Mac ទាំងអស់ បានរងគ្រោះនឹងកំហុសបច្ចេកទេសចំនួនពីរ ឈ្មោះថា Spectre និង Meltdown។
ជាមួយនឹងការប្រកាសនេះ Apple ក៏បានលើកឡើងថាបានបញ្ចេញប្រព័ន្ធការពារដើម្បីប្រឆាំងនឹង Meltdown នៅលើ iOS 11.2, macOS 10.13.2 និង tvOS 11.2 រួចហើយ។ ក្រុមហ៊ុននឹងបន្តបញ្ចេញប្រព័ន្ធការពារប្រឆាំងនឹង Spectre សម្រាប់កម្មវិធី Safari ក្នុងពេលឆាប់ៗខាងមុខ។ បញ្ជាក់ថា Apple Watch មិនមានរងគ្រោះពីចន្លោះប្រហោងនេះឡើយ។
ការប្រកាសនេះ ក្រោយពីក្រុមអ្នកស្រាវជ្រាវបានរកឃើញចន្លោះប្រហោងចំនួនពីរដែលប៉ះពាល់ដល់ Processor លើឧបករណ៍អេឡិចត្រូនិកជាច្រើន។
ក្រុមអ្នកស្រាវជ្រាវបាននិយាយថា Processor សម័យបច្ចុប្បន្នឌីហ្សាញឡើងដើម្បីធ្វើប្រតិបត្តិការដែលមានឈ្មោះថា “speculative execution” ដើម្បីបង្កើតល្បឿនប្រតិបត្តិការ។ ទិន្នន័យត្រូវបានការពារយ៉ាងតឹងរ៉ឹង ប៉ុន្តែអ្នកស្រាវជ្រាវរកឃើញថាក្នុងករណីខ្លះ ទិន្នន័យអាចនឹងត្រូវបែកធ្លាយ ពេលដែល Processor ប្រឹងធ្វើការ។
អ្នកស្រាវជ្រាវនិយាយថាស្ទើរតែគ្រប់ប្រព័ន្ធកុំព្យូទ័ររួមមាន Desktop, Laptop, ស្មាតហ្វូន និង Server Cloud រងគ្រោះពី Bug ឈ្មោះថា Spectre។ ចំណែក Bug ឈ្មោះ Meltdown ទំនងជាកើតមានលើបន្ទះឈីប Intel តែមួយគត់។
អ្នកប្រើប្រាស់ផលិតផល Apple ទាំងអស់ត្រូវធានាថាឧបករណ៍របស់ពួកគេបានអាប់ដេតទៅកាន់ជំនាន់ចុងក្រោយ ដើម្បីការពារពីការវាយប្រហាររបស់ Hacker តាមរយៈចន្លោះប្រហោង។ វាជាការណែនាំដ៏ល្អមួយ ទោះបីជាឧបករណ៍របស់អ្នកមិនបានរងគ្រោះក្ដី៕