តាំងពីចូលសិល្បៈមក ដឹងថាតារាស្រីថៃជួរមុខទាំង ១០នេះបានពានប៉ុន្មានហើយ?
- 2018-01-06 23:30:00
- ចំនួនមតិ 0 | ចំនួនចែករំលែក 0
តាំងពីចូលសិល្បៈមក ដឹងថាតារាស្រីថៃជួរមុខទាំង ១០នេះបានពានប៉ុន្មានហើយ?
ចន្លោះមិនឃើញ
ពានរង្វាន់ដែលតារាៗម្នាក់ៗទទួលបាន សុទ្ធសឹងជាការប្រឹងប្រែង ក្រាញននៀលក្នុងពិភពសិល្បៈនាពេលកន្លងមក។
ដូចតារាស្រីថៃទាំង ១០រូបក្នុងអត្ថបទថ្ងៃនេះ បានខិតខំមិនខ្លាចនឿយហត់ក្នុងការសម្ដែង ដើម្បីបំពេញចិត្តអ្នកគាំទ្រ។ ជាលទ្ធផលក្រៅពីមានភាពល្បីល្បាញហើយនោះ ពួកគេក៏បានទទួលមកវិញនូវកិត្តិយសមិនអាចកាត់ថ្លៃបានពីការងារសិល្បៈ គឺពានរង្វាន់ដ៏មានអត្ថន័យបំផុត។
ប្រិយមិត្តច្បាស់ជាចង់ដឹងហើយ ថាតើតារាស្រីថៃទាំង ១០នោះមានអ្នកណាខ្លះ? ហើយម្នាក់ៗទទួលបានពានប៉ុន្មានទៅហើយ ចាប់តាំងពីចូលសិល្បៈ រហូតដល់ពេលនេះ៖
១. តារាសម្ដែង Yaya Urassaya
បន្ទាប់ពីឈានជើងចូលក្នុងពិភពសិល្បៈថៃអស់រយៈពេល ជាង ៦ឆ្នាំមក Yaya បានទទួលពានរង្វាន់ចំនួន ៦៧ហើយ។
២. តារាសម្ដែង Aum Patchrapa
រយៈពេលចូលសិល្បៈជាង ២០ឆ្នាំ Aum បានពានចំនួន ៨៧។
៣. តារាសម្ដែង Anne Thongprasom
សម្រាប់តារាជើងចាស់ សម្រស់មិនចេះអន់ថយ Anne បញ្ជ្រាបខ្លួនចូលវិថីសិល្បៈ ២៥ឆ្នាំមកហើយ និងទទួលបានដល់ទៅ ៨៥ពានឯណោះ។
៤. តារាសម្ដែង Chompoo Araya
ម្ដាយកូនភ្លោះរូបនេះវិញ ទទួលបានឱកាសមាសឱកាសប្រាក់ អាចដណ្ដើមបានពានដល់ទៅ ៥០ ក្នុងរយៈពេល ១៩ឆ្នាំ ដែលចូលសិល្បៈ។
៥. តារាសម្ដែង Nune Woranuch
តួឯកស្រីនាង "ឡាំយ៉ង” វិញ ក៏មិនណយដែរ គឺក្នុងរយៈពេល ១៩ឆ្នាំមកនេះ នាងមានឱកាសទទួលបានពាន ៤៦ឆ្នាំ។
៦. តារាសម្ដែង Pooklook Fonthip
ចំណែកតារាស្រីរូបនេះវិញ បានពាន ៤៣ ឯណោះ ត្រឹមរយៈពេល ៨ឆ្នាំដែលនាងចូលសិល្បៈ។
៧. តារាសម្ដែង Kwan Usamanee
រយៈពេល ២៣ឆ្នាំទៅហើយ ដែល Kwan តស៊ូក្នុងវិស័យសិល្បៈ ហើយកន្លងមកនេះនាងបានពានចំនួន ៤១។
៨. តារាសម្ដែង Mai Davika
តារាវ័យក្មេងសម្រស់បានរូបនេះ មានពានកាន់ក្នុងដៃ ២២ហើយ ក្រោយឈានជើងចូលសិល្បៈ ៨ឆ្នាំ។
៩. តារាសម្ដែង Ploy Chermarn
Ploy ទទួលបានពានចំនួន ៤១ ក្រោយប្រឹងប្រែងក្នុងវិស័យសិល្បៈរយៈពេល ២៣ឆ្នាំ។
១០. តារាសម្ដែង Taew Natapohn
បន្ទាប់ពីចូលសិល្បៈអស់រយៈពេលជាង ១១ឆ្នាំ Taew បានពាន ១៥៕