Xavi មានបំណងចង់អូសទាញ Ribery ឲ្យមកតាមខ្លួន
- 2018-01-05 11:45:54
- ចំនួនមតិ 0 | ចំនួនចែករំលែក 0
Xavi មានបំណងចង់អូសទាញ Ribery ឲ្យមកតាមខ្លួន
ចន្លោះមិនឃើញ
វីរបុរសក្លឹប Barcelona ខ្សែបម្រើ Xavi ដែលបច្ចុប្បន្នកំពុងលេងឲ្យក្លឹប Al-Sadd ក្នុងថ្ងៃនេះ បាននិយាយថា ខ្លួនចង់លេងបាល់ជាមួយកីឡាករ Frank Ribery នៅកាតា។
ខ្សែបម្រើសញ្ជាតិអេស្ប៉ាញនេះបាននិយាយប្រាប់សារព័ត៌មាន Blidថា៖ "វាពិតជារឿងដ៏គួរអស្ចារ្យណាស់ បើ Ribery មកលេងបាល់នៅទីនេះ (កាតា)។ ប្រទេសនេះជាកន្លែងមួយយ៉ាងល្អគាប់ប្រសើរ សម្រាប់ជីវិតរស់នៅ"។ Xavi បន្ត៖ "ពិតណាស់ បើនិយាយពីកម្រិតបាល់ទាត់ វាមានភាពខុសគ្នា ពីនៅអឺរ៉ុប ប៉ុន្តែវាគឺជារឿងល្អ បើគេមកទីនេះមែន។ ណាមួយខ្ញុំចង់លេងក្រុមជាមួយគេផង ដូច្នេះបើគេមកកាតា ហើយមកចូលរួមជាមួយក្រុមយើងទៀត វាពិតជារឿងគួរឲ្យអស្ចារ្យណាស់"។
សូមបញ្ជាក់ផងដែរ Ribery កំពុងស្ថិតក្នុងពេល ៦ខែចុងក្រោយនៃកុងត្រាខ្លួនជាមួយ Bayern Munich ដែលនេះមានន័យថា ខ្សែស្លាបរូបនេះនឹងផុតកុងត្រាជាមួយក្លឹបនៅចុងរដូវកាលនេះ បើការចរចាកុងត្រាថ្មីមិនបានសម្រេចទេនោះ។ ទោះជាយ៉ាងណា កាលពីពេលថ្មីៗនេះ ប្រធានក្លឹប Bayern លោក Karl Heinz Rummenigge បានគូសបញ្ជាក់ថា ក្លឹបកំពុងចរចាស៊ីជម្រៅរឿងកុងត្រាជាមួយកីឡាករស្លាបចាស់វស្សារូបនេះ៕