Mourinho បង្ហើបមូលហេតុម៉េចបានមិនទាន់ទិញផ្ទះនៅទីក្រុង Manchester
- 2018-01-05 12:10:58
- ចំនួនមតិ 0 | ចំនួនចែករំលែក 0
Mourinho បង្ហើបមូលហេតុម៉េចបានមិនទាន់ទិញផ្ទះនៅទីក្រុង Manchester
ចន្លោះមិនឃើញ
លោក Jose Mourinho ក្នុងថ្ងៃនេះ បានបង្ហើបពីមូលហេតុដែលលោកបន្តស្នាក់នៅក្នុងសណ្ឋាគារ ហើយមិនទាន់ទិញផ្ទះនៅទីក្រុង Manchester បើទោះជាក្លាយជាអ្នកចាត់ការក្លឹប Manchester United អស់ពេល ១ឆ្នាំកន្លះទៅហើយក្ដី។ ហេតុផលនៅពីក្រោយការណ៍នេះ គឺថាមកពីលោកខ្ជិល។
ទាក់ទិននឹងមូលហេតុនៅពីក្រោយការបន្តស្នាក់នៅសណ្ឋាគារ ហើយមិនទាន់ទិញផ្ទះ លោក Mourinho បានពន្យល់ថា៖ "ខ្ញុំខ្ជិលខ្លាំងណាស់។ ខ្ញុំចូលចិត្តស្នាក់នៅសណ្ឋាគារជាង ព្រោះវាមានភាពងាយស្រួល និងផាសុកភាពផង។ ខ្ញុំមិនចង់ឲ្យនរណាបារម្ភពីខ្ញុំឡើយ"។
សូមបញ្ជាក់ផងដែរថា តាំងពីជំនួសតំណែងលោក Luis Van Gaal ជាអ្នកចាត់ការក្លឹបបិសាចក្រហម កាលពីពាក់កណ្ដាលឆ្នាំ ២០១៦ មក លោក Jose Mourinho បានស្នាក់នៅក្នុងសណ្ឋាគារ Lowry រហូតដល់ពេលបច្ចុប្បន្ន ដោយមិនទាន់គិតគូររកទិញផ្ទះនៅទីក្រុង Manchester នៅឡើយ។
ការណ៍នេះកន្លងមក បានធ្វើឲ្យលេចចេញជាពាក្យចចាមអារ៉ាមជាច្រើនដែលថា លោកមិនសប្បាយចិត្តក្នុងការដឹកនាំក្លឹប Manchester United។ ទោះជាយ៉ាងណា ជារឿយៗលោក Mourinho តែងបដិសេធនឹងពាក្យនេះ៕