ស្គាល់កំពូលសត្វទាយអាកាសធាតុច្បាស់ៗ មិនចាញ់អ្នកវិទ្យាសាស្រ្ត

2018-01-07 02:14:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ការព្យាករណ៍ឧតុនិយម អាចដឹងមុនអាស្រ័យលើបទពិសោធន៍ វិចារណញ្ញាណ និងវិទ្យាសាស្ត្រ (ការវិភាគ ដោយគណនា)។យ៉ាងណាមិញ សត្វមួយចំនួនអាចដឹងពីអាកាសធាតុបានដោយមិនមានការវិភាគ ឬគណនាស្មុគស្មាញនោះទេ ហើយអាចកម្រិតត្រឹមត្រូវខ្ពស់ ដោយសមត្ថភាពក្នុងការរស់នៅរបស់វា។ អ្នកអាចពិនិត្យមើល ឬសម្គាល់ឥរិយាបថសត្វទាំងនេះបាន ចំពោះអាកាសធាតុនាពេលខាងមុខ។

១. សត្វ Groundhog

សត្វប្រភេទនេះអាចទាយដឹង ពីនិទាឃរដូវ និងរដូវរងាពេលខាងមុខនឹងមកដល់ ដោយរាល់ឆ្នាំថ្ងៃទី ២ ខែកុម្ភៈអាចមាននិទាឃរដូវ ឬរដូវរងា។

២. សត្វគោ

កសិករបានយល់ស្របនឹងឥរិយាបថរបស់សត្វគោសម្រាប់អាកាសធាតុប្រែប្រួល។ សត្វគោចូលជាហ្វូង ដើម្បីរក្សាភាពកក់ក្តៅ និងសុវត្ថិភាព ចំពោះព្យុះ ឬខ្យល់ខ្លាំងនឹងកើតឡើង។ ប្រសិនបើអ្នកឃើញសត្វគោបី ឬបួនផ្តេកខ្លួនលើស្មៅ នោះនឹងមានភ្លៀងធ្លាក់។

៣. សត្វកង្កែប

ពេលសត្វកង្កែបស្រែកច្រៀង នោះនឹងមានភ្លៀងធ្លាក់ខ្លាំង ដោយពួកវាមានអារម្មណ៍ដឹងពីសីតុណ្ហភាពកើនឡើង និងរកទីខ្ពស់តាមដែលអាចទៅរួចដើម្បីទុំ ឬជ្រក។

៤. សត្វស្រមោច

សត្វស្រមោចជាប្រភេទសត្វស៊ូនឹងការងារខ្លាំង ព្រោះសូម្បីតែភ្លៀងតិចៗ ក៏អាចបង្កអន្តរាយដល់ពួកវាដែរ ដូច្នេះពួកវាត្រូវសកម្មនឹងការងារឆ្លើយតបទៅនឹងអាកាសធាតុប្រែប្រួល។ ពេលអ្នកបើកឆត្រការពារសំណើម សត្វស្រមោចបានបិទគ្រប់រន្ធ និងស្ថិតក្នុងសម្បុករួចបាត់ទៅហើយ។