Costa នៅតែ Costa ចូលលេងលើកដំបូងនៅ La Liga ស៊ុតចូល បានកាតក្រហម
- 2018-01-07 02:49:10
- ចំនួនមតិ 0 | ចំនួនចែករំលែក 0
Costa នៅតែ Costa ចូលលេងលើកដំបូងនៅ La Liga ស៊ុតចូល បានកាតក្រហម
ចន្លោះមិនឃើញ
Diego Costa បានបង្ហាញខ្លួនជាលើកដំបូងឱ្យក្លឹប Atletico Madrid វិញហើយកាលពីយប់មិញនេះ ដោយរកបាន១គ្រាប់ និងទទួលបានកាតក្រហមភ្លាមៗផងដែរ។
ក្រោយចាកចេញពី Chelsea ខ្សែប្រយុទ្ធមុខកាចរូបនេះបានត្រលប់ទៅលេងឱ្យ AT Madrid វិញ តែសោកស្ដាយត្រូវរង់ចាំពាក់កណ្ដាលរដូវកាលទើបអាចចូលលេងបាន។ តួយ៉ាងនៅយប់មិញ កីឡាករកើតនៅប្រេស៊ីល តែលេងឱ្យជម្រើសជាតិអេស្ប៉ាញម្នាក់នេះធ្វើបានល្អ រកបាន១គ្រាប់ក្នុងការបង្ហាញខ្លួនក្នុងប្រកួតដំបូង។ អ្វីដែលសោកស្ដាយ ការត្រេកអរពេករបស់គេ ដែលរត់ចេញពីទីលានទៅអបអរជាមួយអ្នកគាំទ្រនោះ ត្រូវទទួលបានកាតលឿង ជាកាតទី២ក្នុងប្រកួតនេះ បណ្ដាលឱ្យឈានដល់កាតក្រហមត្រូវបណ្ដេញចេញតែម្ដង។
ការបានកាតក្រហមក្នុងប្រកួតដំបូងនេះដែរ ត្រូវបានគេគិតថាកីឡាករលេងកាចម្នាក់នេះ នឹងនៅតែរក្សាជំហររបស់ខ្លួនដដែល ហើយនឹងធ្វើឱ្យក្របខណ្ឌ La Liga កាន់តែក្ដៅគគុកថែមទៀត៕