លេខ ៧ ១៤ ឬ ២៤ សមនឹង Philippe Coutinho?
- 2018-01-09 02:02:52
- ចំនួនមតិ 0 | ចំនួនចែករំលែក 0
លេខ ៧ ១៤ ឬ ២៤ សមនឹង Philippe Coutinho?
ចន្លោះមិនឃើញ
Philippe Coutinho បានបង្ហាញខ្លួនជាផ្លូវការជាកីឡាករ Barcelona កាលពីថ្ងៃច័ន្ទម្សិលមិញ ប៉ុន្តែកីឡាករតម្លៃខ្លួន១៤៥លានផោននេះមានទាន់មានលេខពាក់នៅឡើយទេ។
ក្នុងកិច្ចបង្ហាញខ្លួនក្នុងកីឡដ្ឋាន Nou Camp កីឡាករប្រេស៊ីលត្រូវបានទទួលស្វាគមន៍ពីអ្នកគាំទ្ររាប់ពាន់នាក់ ក្រោយផ្ទេរចេញពី Liverpool ក្លាយជាកីឡាករថ្លៃលើលោកទីពីរ បន្ទាប់ពី Neymar។ ប៉ុន្តែពេលគ្រាពាក់អាវ Barca បង្ហាញខ្លួន Coutinho មិនទាន់មានលេខអាវសម្គាល់ខ្លួននៅឡើយទេ។
តាមការវិភាគ កីឡាករវ័យ២៥ឆ្នាំអាចនឹងពាក់អាវលេខ១៤ ដែលធ្លាប់ពាក់ដោយអតីតវរបុរស Barca លោក Johan Cruyff សញ្ជាតិហូឡង់ និងបច្ចុប្បន្នគ្រងដោយខ្សែការពារ Javier Mascherano។ ហេតុអ្វីត្រូវផ្ទេរលេខអាវរបស់ Mascherano ទៅ Coutinho? មូលហេតុ Mascherano ធ្លាប់បាននិយាយថា គេនឹងអាចចាកចេញពីក្លឹប ក្រោយបាត់កន្លែងលេងជម្រើស១១នាក់ ដោយនៅពីក្រោមសិស្សប្អូន Samuel Umtiti។
ចំណែកលេខ៧ ក៏ជាជម្រើសមួយផ្សេងដែរ។ លេខល្អមួយនេះសព្វថ្ងៃពាក់ដោយកីឡាករទួរគី Arda Turan ហើយអនាគតរបស់គេនៅ Barcelona ពេលនេះក៏កំពុងស្រពិចស្រពិល។ យ៉ាងណាមិញ ប្រសិនទាំង Mascherano និង Turan មិនទៅណាចោលក្លឹបពេលនេះទេ Coutinho នឹងពាក់លេខ២៤កំពុងនៅទំនេរ។ ពីលេខ១ដល់២៣ បច្ចុប្បន្នមានម្ចាស់អស់ហើយ នៅសល់តែ២៤ដែលជាលេងចុងក្រោយ កន្លងទៅកាន់កាប់ដោយខ្សែការពារបារាំង Jeremy Mathieu ដែលផ្ទេរទៅ Sporting នៅរដូវកាលនេះ៕