ឈុត សេរីវ៉ាន់ថង ពន្លកថ្មីគុនខ្មែរមានផ្លែល្អ នឹងល្បីខ្លាំងនៅពេលខាងមុខ

2018-01-09 02:35:40
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ពន្លកថ្មីរបស់គុនខ្មែរមកពីខេត្តបាត់ដំបង ឈុត សេរីវ៉ាន់ថង ឥលូវនេះកំពុងធ្វើឲ្យមានការចាប់អារម្មណ៍ខ្លាំងពីមហាជនអ្នកនិយមវិស័យប្រដាល់ ហើយនៅពេលខាងមុខអាចមានកេរ្តិ៍ឈ្មោះល្បីខ្លាំងថែមទៀតផង។

លោក ឈុត សេរី និងកូនប្រុស

ឈុត សេរី ដែលជាគ្រូនិងជាឪពុកផងនោះបានឲ្យដឹងថា នៅពេលខាងមុខអាចនឹងមានកេរ្តិ៍ឈ្មោះល្បីម្នាក់ដែរក្នុងវិស័យប្រដាល់នេះ នេះបើមើលពីសន្ទុះនៃការប្រកួតកន្លងមក ក៏ដូចជាការហ្វឹកហាត់របស់« សេរីវ៉ាន់ថង»។ កូនរបស់លោកម្នាក់នេះពូកែទាត់ជើងមិនថាឆ្វេង ឬស្ដាំនោះទេ ហើយដៃដែលប៉ះរូបគេម្ដងៗភាគច្រើនខូចជើង។

កីឡាករ ឈុត សេរីវ៉ាន់ថង ក្រហម

គ្រូប្រដាល់វ័យ៥៤ឆ្នាំខាងលើបន្តថា កូនប្រុសម្នាក់នេះខំប្រឹងប្រែងហ្វឹកហាត់ខ្លាំង រាល់ពេលទំនេរគឺរត់យកកម្លាំងហើយ ចំណែកការហ្វឹកហាត់ស្នៀតប្រយុទ្ធក៏ដូចគ្នាផងដែរ ពោលមិនខ្ជិល ហើយសន្ទុះនៃការប្រកួតក៏រីកចម្រើនល្អថែមទៀត។ សព្វថ្ងៃនេះលោកជាគ្រូនេះមិនសូវហ៊ានប្រហែសនោះទេ ក៏ខំប្រឹងបង្ហាត់និងបំពេញនៅចំណុចខ្វះខាតបន្ថែមទៀតដែរ អ្វីដែលឧបសគ្គសម្រាប់គេហ្វឹកហាត់ក្នុងពេលឥលូវនេះគឺ ពេលវេលាតែម្ដង ដោយសារជាប់រវល់និងការរៀនសូត្រ ណាមួយត្រូវប្រឡងបាក់ឌុបឆ្នាំនេះទៀត។

កីឡាករ ឈុត សេរីវ៉ាន់ថង ពេលឈ្នះថៃ

លោក ឈុត សេរី ជាគ្រូប្រដាល់មកពីក្លឹបប្រដាល់រហ៊ូកីឡាខេត្តបាត់ដំបង និងជាឪពុកបង្កើតរបស់ជើងខ្លាំងវ័យក្មេង ឈុត សេរីវ៉ាន់ថង។ ប្រកួតចុងក្រោយរបស់កូនរបស់លោកឈ្នះអ្នកប្រដាល់ឆ្លងដែនមកពីប្រទេសថៃដោយពិន្ទុនៅសង្វៀនបាយ័នស្ទឹងមានជ័យ៕

អត្ថបទ៖ នួន ស៊ីណា