តារាស្រីណាខ្លះមិនស្លៀកឈុតខ្មៅចូលរួមកម្មវិធីពានរង្វាន់ Golden Globes?

2018-01-09 04:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅលើកម្រាលព្រំក្រហមកម្មវិធីពានរង្វាន់ Golden Globes ឆ្នាំ២០១៨ គឺខុសប្លែកពីឆ្នាំមុនៗ ដោយសារតែសិល្បករចូលរួមទាំងប៉ុន្មានមានការស្លៀកសម្លៀកបំពាក់ជាឈុតពណ៌ខ្មៅគ្រប់គ្នា។ ការស្លៀកជាឈុតពណ៌ខ្មៅបែបនេះគឺក្នុងគោលបំណងដើម្បីប្រឆាំងនឹងអំពើបៀតបៀនផ្លូវភេទ។

ក្នុងកម្មវិធីនោះដែរ សង្កេតឃើញថាមិនត្រឹមតែតារាសម្ដែងស្រីនោះទេដែលរួមគ្នាតវ៉ាប្រឆាំងនឹងអំពើបែបនេះ តារាសម្ដែងប្រុសដែលចូលរួមក្នុងកម្មវិធីនេះក៏បានគាំទ្រនឹងការស្លៀកឈុតសម្លៀកបំពាក់ពណ៌ខ្មៅនេះផងដែរ។

ទោះជាយ៉ាងណាក៏ដោយ ក៏នៅមានតារាស្រីមួយចំនួនតូចដែលមិនបានចូលរួមស្លៀកសម្លៀកបំពាក់ជាឈុតខ្មៅក្នុងការប្រឆាំងនឹងអំពើបៀតបៀនផ្លូវភេទនោះទេ ពួកគេបែរជាជ្រើសរើសឈុតដែលមានភាពលេចធ្លោ និងឆើតឆាយទៅវិញ។

១. តារាសម្ដែង Barbara Meier

តារាស្រីវ័យ ៣១ឆ្នាំរូបនេះបានបង្ហាញខ្លួនលើកម្រាលព្រំក្រហមក្នុងកម្មវិធីពានរង្វាន់ Golden Globes នេះជាមួយរ៉ូបដ៏ស្រស់ស្អាត។ រ៉ូបរបស់នាងរំលេចដោយពណ៌ចម្រុះជាពណ៌ប្រផេះ ខៀវ សនិងផ្កាឈូក អមជាមួយនឹងកម្ទេចផ្លេកៗដែលមើលទៅពិតជាលេចធ្លោណាស់។

២. តារាសម្ដែងBlanca Blanco

តារាស្រីវ័យ ៣៦ឆ្នាំរូបនេះបានបង្ហាញខ្លួនជាមួយនឹងរ៉ូបពណ៌ក្រហមឆ្អិនឆ្អៅ។ មិនត្រឹមតែពណ៌របស់រ៉ូបនាងនោះទេដែលមានភាពលេចធ្លោនោះ ម៉ូដរបស់រ៉ូបនោះក៏បានបង្ហាញសាច់ដ៏ម៉ត់រលោងរបស់នាងផងដែរ។

៣. លោកស្រី Meher Tatna

មនុស្សម្នាក់ដែលធ្វើឲ្យមានការភ្ញាក់ផ្អើលខ្លាំងជាងគេប្រចាំកម្មវិធីនោះគឺលោកស្រី Meher Tatna ដែលជាប្រធានសមាគមអ្នកកាសែតបរទេសប្រចាំហូលីវូដ។ ក្រោយមានការភ្ញាក់ផ្អើលនឹងការស្លៀកពាក់ពណ៌ក្រហមបែបនេះ គណនីមួយក្នុងបណ្ដាញសង្គមTwitterក៏បានប្រាប់ហេតុផលដែលលោកស្រីជ្រើសរើសរ៉ូបពណ៌ក្រហមនេះ។ ហេតុផលនោះគឺថាតាមទំនៀមទម្លាប់ប្រទេសឥណ្ឌា ពណ៌ក្រហមគឺប្រដូចជាពណ៌ខ្មៅដែរ៕

ប្រភព៖ Businessinsider ប្រែសម្រួល៖ អន សុភក្ត្រា