សុក សំណាង ត្រូវសម្រាក១ខែឬច្រើនជាងនេះទើបអាចហ្វឹកហាត់បានវិញ
- 2018-01-09 06:55:21
- ចំនួនមតិ 0 | ចំនួនចែករំលែក 0
សុក សំណាង ត្រូវសម្រាក១ខែឬច្រើនជាងនេះទើបអាចហ្វឹកហាត់បានវិញ
ចន្លោះមិនឃើញ
ខ្សែប្រយុទ្ធរបស់ព្រះខ័នរាជស្វាយរៀង សុខ សំណាង ត្រូវសម្រាកព្យាបាលរបួសវៀចខ្ទង់ច្រមុះចំនួន ១ខែឬអាចច្រើនជាងនេះ ទើបអាចចូលទីលានហ្វឹកហាត់វិញបាន។
ខ្សែប្រយុទ្ធរូបនេះបានរងរបួសវៀចខ្ទង់ច្រមុះ បន្ទាប់ពីមានការប៉ះទង្គិចអំឡុងប្រកួតផ្ដាច់ព្រ័ត្រ Hun Sen Cup ជាមួយ ណាហ្គាវើល។ ទាក់ទងស្ថានភាពរបួស សំណាង បានឲ្យដឹងថា គ្រូពេទ្យឲ្យសម្រាក១ ឬអាចច្រើនជាងនេះពោលគឺត្រូវរង់ចាំឲ្យស្ថានភាពជំងឺបានជាសះស្បើយវិញសិន ទើបអាចចូលទីលានហ្វឹកហាត់វិញ។ ប៉ុន្តែគ្រូពេទ្យបញ្ជាក់ថា ច្រើនបំផុតគឺប្រហែល ១ខែកន្លះទៀតអាចជាសះស្បើយវិញ។
ក្នុងអំឡុងពេលនេះរូបគេត្រូវសម្រាកព្យាបាលរបួសនៅផ្ទះ ដោយប្រើថ្នាំ និងទៅជួបគ្រូពេទ្យជារៀងរាល់សប្ដាហ៍។ បើគិតមកដល់ពេលនេះរបួសរបស់គេនៅមានការឈឺចាប់នៅឡើយ ។ ក្នុងការប្រកួតផ្ដាច់ព្រ័ត្រនោះក្រុមរបស់ សុខ សំណាង ទទួលបានជើងឯកពាន Hun Sen Cup 2017 ដោយយកឈ្នះ ណាហ្គាវើល ៣-០៕