ហ៊ានណាស់! យកលុយលក់ផ្ទះឲ្យគេទៅប្រថុយរកស៊ីខ្លួនឯង តែលទ្ធផលស្មានមិនដល់
- 2018-01-10 03:12:51
- ចំនួនមតិ 0 | ចំនួនចែករំលែក 0
ហ៊ានណាស់! យកលុយលក់ផ្ទះឲ្យគេទៅប្រថុយរកស៊ីខ្លួនឯង តែលទ្ធផលស្មានមិនដល់
ចន្លោះមិនឃើញ
លោកស្រី ឃី មុនី ជាសហគ្រិនស្ត្រីខ្មែរមួយរូបបានចាប់ប្រឡូកក្នុងវិស័យជំនួញ ផ្ដើមពីដើមទុននៃប្រាក់កម្រៃជើងសាលក់ផ្ទះឲ្យគេ បែកគំនិតចេញរកស៊ី រហូតមានអាជីវកម្មដែលពិភពលោកទទួលស្គាល់។ ដំបូងឡើយលោកស្រី ជាបុគ្គលិកផ្នែកគណនេយ្យក្នុងក្រុមហ៊ុនអចលនទ្រព្យមួយ និងទទួលប្រាក់ខែពេញសិទ្ធិដំបូង ១២០ដុល្លារ។ ដោយសារការងារបង្រៀនមនុស្ស ពេលនោះ លោកស្រីរៀនបណ្ដើរ ធ្វើការបណ្ដើរ ហើយក៏មានឱកាសឆ្លៀតរកម៉ូយជួយលក់ផ្ទះឲ្យគេទៀត។
សំណាងល្អក៏បានមកដល់ ផ្ទះលក់ដំបូងនោះបានតម្លៃជាង ១០ម៉ឺនដុល្លារ និងទទួលប្រាក់កម្រៃជើងសា ៣% (៣ពាន់ដុល្លារ) តែដោយសារជាមនុស្សខ្លាចភាពក្រីក្រ លោកស្រីក៏ហ៊ានដាក់ចិត្តប្រថុយយកលុយនោះទៅរកស៊ី ដោយរបរដំបូងគឺនាំចូលសំបកកៅស៊ូម៉ូតូមកលក់។
ទន្ទឹមនឹងនោះការរកស៊ីជួបការលំបាកៗជារឿយៗ ប៉ុន្តែសហគ្រិននេះមិនដែលរុញរា ឬចុះចាញ់ម្ដងណាឡើយ ព្រោះចងចាំនូវពាក្យចាស់បុរាណមួយឃ្លាបានពោលថា " ស៊ូនឿយមុនស្រណុកក្រោយ" ដោយសារពាក្យនេះលោកស្រីមិនដែលទុកខ្លួនឲ្យទំនេរឡើយ សូម្បីពេលវេលាជួបមិត្តភក្តិក៏គ្មានដែរ គឺគិតតែរកលុយ និងបង្កើនចំណេះដឹងរកស៊ីតែប៉ុណ្ណោះ។
មិនដល់មួយឆ្នាំផង ស្ត្រីដែលធ្លាប់ស្រមៃថានឹងក្លាយអ្នកជំនួញឆ្នើមថ្ងៃណាមួយរូបនេះ បានសម្រេចបំណងខ្លួននៅឆ្នាំ ២០១១ បង្កើតក្រុមហ៊ុន Amru Rice នាំចេញអង្ករធំមួយនៅកម្ពុជាលំដាប់អន្តរជាតិ។ នៅឆ្នាំ ២០១៣ លោកស្រីបានដឹកនាំកសិករខ្មែរប្រមាណជាង ៥ពាន់គ្រួសារ ផលិតអង្ករសរីរាង្គ នាំចេញអង្ករទៅក្រៅស្រុកជាង ៤០ប្រទេសនៅជុំវិញពិភលោកទទួលស្គាល់ទល់សព្វថ្ងៃនេះ ។ មិនតែប៉ុណ្ណោះ លោកស្រី បានដណ្ដើមពានរង្វាន់ជាសហគ្រិនស្ត្រីឆ្នើមបំផុតរបស់កម្ពុជា ប្រចាំឆ្នាំ ២០១៧ កន្លងទៅផងដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
