ធឿន ធារ៉ា ប្រកួតនៅប្រទេសថៃ លើកក្រោយប្រហែលគេដាក់ឲ្យវ៉ៃខ្សែក្រវាត់

2018-01-10 08:32:34
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់វ័យក្មេងកំពុងសាងកេរ្តិ៍ឈ្មោះនៅថៃ ធឿន ធារ៉ា ថា ប្រកួតលើកក្រោយទៀតប្រហែលជាគេដាក់ឲ្យវ៉ៃដណ្ដើមខ្សែក្រវាត់ហើយ។

កីឡាករ ធឿន ធារ៉ា(ខៀវ) ពេលប្រកួតនៅថៃ

ធឿន ធារ៉ា បានឲ្យដឹងថា បានឡើងវ៉ៃគូឯកនៅក្នុងកម្មវិធីប្រដាល់របស់ទូរទស្សន៍លេខ៨ថៃ កាលពីថ្ងៃទី៣១ ធ្នូ កន្លងទៅនេះ អាចថាមកពីសមត្ថភាពរបស់ខ្លួនល្អ ហើយប្រកួតទើបតែចាប់១ដងរួមផ្សំនិងការពេញរបស់អ្នករៀបចំកម្មវិធីផងទើបអាចឈានឡើងដល់គូឯកដូចនេះ។

កីឡាករ ធឿន ធារ៉ា(ខៀវ) ពេលប្រកួតនៅថៃ

កីឡាករដើមកំណើតអ្នកព្រៃវែងខាងលើបន្តថា បើតាមដំណឹងពីគ្រូប្រាប់ថា ប្រកួតក្រោយទៀតនៅឯប្រទេសថៃនោះ ប្រហែលជាខ្លួនបានឡើងវ៉ៃខ្សែក្រវាត់ ព្រោះអ្នករៀបចំមើលឃើញពីសមត្ថភាពប្រកួតនិងប្រជាប្រិយភាពជាពិសេសលទ្ធផលប្រកួតចុងក្រោយនេះតែម្ដង។ ម្ចាស់មេដាយមាសថ្នាក់ជាតិឆ្នាំ២០១៧ ខាងលើបញ្ជាក់ថាដំណឹងនេះនៅមិនទាន់ច្បាស់ការនៅឡើយទេ គ្រាន់តែឮគ្រូប្រាប់ខ្លះៗថាដូចនេះ។

កីឡាករ ធឿន ធារ៉ា(ខៀវ) ពេលប្រកួតនៅថៃ

ធឿន ធារ៉ា ជាកីឡាករមកពីក្លឹបប្រដាល់ក្រសួងកសិកម្ម ហើយគេម្ចាស់មេដាយមាសថ្នាក់ជាតិឆ្នាំ២០១៧ លើប្រភេទទម្ងន់ ៧១គីឡូក្រាមថ្មីៗនេះផងដែរ ប្រកួតចុងក្រោយរបស់គេផ្ដួលម្ចាស់ផ្ទះថៃNumkabuan Kiatnavy ឲ្យសន្លប់ក្នុងទឹកទី២កាលពីថ្ងៃទី៣១ ខែធ្នូ ២០១៧៕

អត្ថបទ៖ នួន ស៊ីណា