Firmino អាចពិន័យ១០ប្រកួតព្រោះប្រើភាសារើសអើង តែអាជ្ញាកណ្ដាលថាអត់ឭ
- 2018-01-10 03:48:08
- ចំនួនមតិ 0 | ចំនួនចែករំលែក 0
Firmino អាចពិន័យ១០ប្រកួតព្រោះប្រើភាសារើសអើង តែអាជ្ញាកណ្ដាលថាអត់ឭ
ចន្លោះមិនឃើញ
Roberto Firmino អាចត្រូវសហព័ន្ធបាល់ទាត់អង់គ្លេសហៅកាត់ FA ពិន័យមិនឲ្យលេង១០ប្រកួតបើសិនជារកឃើញថាបានប្រើភាសារើសអើងពូជសាសន៍។
ក្នុងប្រកួត FA Cup ដែល Liverpool បានយកឈ្នះ Everton ២-១ សប្ដាហ៍មុន មានបញ្ហាប៉ះទង្គិចមួយបានកើតឡើងលើទីលានដោយសារ Mason Holgate បានរុញ Firmino ខ្ទាតចូលកន្លែងអ្នកគាំទ្រ។ ភ្លាមៗ Firmino បានស្ទុះចេញមកស្រែកដាក់ឲ្យ Holgate តែពួកគេទាំងពីរត្រូវអាជ្ញាកណ្ដាល និងមិត្តរួមក្រុមចាប់បំបែក។
Holgate ក្រោយមកចោទ Firmino ថាបានប្រើភាសារើសអើងពូជសាសន៍ក្នុងន័យថារូបគេមានកំណើតជាជនជាតិស្បែកខ្មៅ។ FA គ្រោងហៅភាគីពាក់ព័ន្ធទាំងអស់ជួបដើម្បីដឹងពីការពិត តែយ៉ាងណាអាជ្ញាកណ្ដាល Bobby Madley ឲ្យដឹងថាលោកមិនបានឭខ្សែប្រយុទ្ធ Liverpool ប្រើនិយាយរើសអើងទេ។
គួររម្លឹកថាអតីតកីឡាករ Liverpool ម្នាក់គឺ Luis Suarez ធ្លាប់ត្រូវ FA ពិន័យ៨ប្រកួតម្ដងហើយដោយសារនិយាយពាក្យរើសអើងដាក់ Patrice Evra៕