វីរបុរសប្រេស៊ីលម្នាក់ថា Coutinho នឹងស្នងតំណែងពី Messi
- 2018-01-10 08:06:23
- ចំនួនមតិ 0 | ចំនួនចែករំលែក 0
វីរបុរសប្រេស៊ីលម្នាក់ថា Coutinho នឹងស្នងតំណែងពី Messi
ចន្លោះមិនឃើញ
Philippe Coutinho នឹងក្លាយជាតួអង្គសំខាន់នៅ Barcelona ជំនួស Lionel Messi។ នេះបើតាមសម្ដីវីរបុរសប្រេស៊ីល Rivaldo។
ខ្សែបម្រើជំនាញជើងស្ដាំមានវ័យក្មេងជាង Messi ៥ឆ្នាំ បានផ្ទេរពី Liverpool ក្នុងតម្លៃខ្លួន១៤២លានផោនធ្វើឲ្យរូបគេក្លាយជាកីឡាករមានតម្លៃថ្លៃបំផុតទីពីរក្នុងពិភពលោក។ Barcelona ទាក់ទង Coutinho ជាង១ឆ្នាំហើយបរាជ័យនាំយករូបគេទៅជំនួស Neymar កាលពីដើមរដូវកាល ទើបតែពេលនេះក្លឹបយក្សរបស់កាតាឡាន់ចុះហត្ថលេខាបានសម្រេច។
ពាក់ព័ន្ធនឹងការផ្ទេរនេះ Rivaldo ជាមិត្តរួមជាតិប្រេស៊ីល និងជាអតីតកីឡាករ Barca ម្នាក់ដែរ ជឿជាក់ថា Coutinho នឹងជោគជ័យហើយអាចស្នងតំណែងពី Messi បាន។ "យើងទាំងអស់គ្នាដឹងថា Messi គឺជាតួអង្គសំខាន់ ដោយអាចលេងដល់ចំណុចកំពូល ៣ ឬ៤ឆ្នាំទៀត។ ពេលវេលានោះគឺល្អសម្រាប់ Coutinho បន្សាំខ្លួន និងបង្ហាញសមត្ថភាព។ កុំភ្លេចថារូបគេគឺជាកីឡាករថ្លៃបំផុតទីពីរក្នុងលោក"៕