ប៉ុន្មានចំណុចល្មមទាក់ចិត្តអ្នក ឲ្យមកប្រើប្រាស់ Firefox ជំនួស Google Chrome
- 2018-01-11 03:33:55
- ចំនួនមតិ 0 | ចំនួនចែករំលែក 0
ប៉ុន្មានចំណុចល្មមទាក់ចិត្តអ្នក ឲ្យមកប្រើប្រាស់ Firefox ជំនួស Google Chrome
ចន្លោះមិនឃើញ
ចាប់តាំងពីដើមរៀងមកបើនិយាយពី Browser ដែលមានល្បឿនលឿន ពិតណាស់មនុស្សរាល់គ្នាតែងតែនឹកដល់ឈ្មោះ Chrome។ តែ Mozilla ក៏ទើបតែបញ្ចេញនូវ Browser ជំនាន់ក្រោយ Firefox Quantum មានការវិវត្តពិសេសៗលើគូប្រជែង។
១.ល្បឿនមិនចាញ់ Chrome ហើយតម្រូវ RAM តូច:
កន្លងទៅអ្នកជំនាញបានសាកល្បងតេស្តល្បឿនដំណើរការនៃ Firefox និង Google Chrome ជំនាន់ក្រោយបង្អស់ តាមរយៈ Benchmark។ លទ្ធផលបង្ហាញថា Firefox អាចរត់បានល្បឿនខ្លាំងជាង Chrome នៅលក្ខខណ្ឌដំណើរការ Webpages ក្នុង Private Browsing Mode។ មួយវិញទៀត ពេលបើក Tab ច្រើនជាប់គ្នា វាតម្រូវថាមពល RAM តិច ដោយមានន័យថាកុំព្យូទ័រកម្លាំងល្មមៗអាចប្រើ Firefox បានយ៉ាងរលូន។
២.អាច Sync ទិន្នន័យឆ្លងទៅឧបករណ៍ផ្សេង:
មិនខុសពីមុខងាររបស់ Google ក្រុមការងារ Firefox ក៏អនុញ្ញាតឲ្យអ្នកប្រើប្រាស់ងាយស្រួលក្នុងការរក្សាឬផ្ញើ Webpage ណាមួយចេញពី Desktop ទៅកាន់ទូរសព្ទតាមរយៈមុខងារពិសេសនៅខាងផ្នែករបារ URL។ ករណីបើអ្នកប្រើគណនី Google ច្រើន អ្នកក៏អាចទទួលការជំនួយពី Extension ឲ្យឈ្មោះ Multi-Account សម្រាប់ Firefox។
៣.បិទទាក់ទងការតាមដានចំណូលចិត្តពាណិជ្ជកម្ម:
Firefox មានកូដពិសេសមួយដែលបង្កប់ក្នុង Webpage ការពាររាល់ការប្រើប្រាស់ទិន្នន័យទាំងអស់ ពីការលួចតាមដានក្នុងការកំណត់គោលដៅឲ្យ Ads ឲ្យត្រូវតាមចំណូលចិត្ត។ មុខងារនេះមានស្រាប់សម្រាប់កម្មវិធីជំនាន់ក្រោយ ក៏ជាកត្តាមួយជំរុញឲ្យវាមានល្បឿនលឿនជាង Chrome។
៤.Firefox មានជម្រើសមុខងារពិសេសច្រើន:
បង្កប់នូវមុខងារពិសេសស្រាប់ក្នុង Browser មិនចាំបាច់ធ្វើការដំឡើង Extension ឬ Apps ពីខាងក្រៅបន្ថែម។ ដូចជា Read-later អាចឲ្យអ្នករក្សាទុក Webpage ណាមួយសម្រាប់អាននៅពេលក្រោយបានបានរហ័ស, មុខងារ Screenshot ដោយប្រើត្រឹមការ Click ធម្មតា ហើយរើសទីតាំងរក្សាទុករូបភាពជាដើម។ យ៉ាងណាមិញ ក៏មានការទទួលស្គាល់ការផ្ដល់សុវត្ថិភាពខ្ពស់ដល់អ្នកប្រើប្រាស់ច្រើនជាង Google Chrome។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
រឿងក្តី Apple ធ្លាក់ដល់ដៃតុលាការ ថ្នាក់ដឹកនាំ Apple ជាច្រើនរូប ប្រឈមការជាប់គុក
SAMSUNG លេងអស់ដៃ ប្រកាសផលិតផលធំៗ ៤ ក្នុងពិព័រណ៍ CES 2018