Xavi បង្ហើបពីតិចនិក Mourinho កាលនៅដឹកនាំ Real Madrid
- 2018-01-10 12:02:18
- ចំនួនមតិ 0 | ចំនួនចែករំលែក 0
Xavi បង្ហើបពីតិចនិក Mourinho កាលនៅដឹកនាំ Real Madrid
ចន្លោះមិនឃើញ
វីរបុរសក្លឹប Barcelona ខ្សែបម្រើ Xavi ក្នុងថ្ងៃនេះ បាននិយាយថា ក្រុម Real Madrid ស្ថិតក្រោមការដឹកនាំរបស់លោក Jose Mourinho គឺជាក្រុមដែលលេងបាល់វែង។
ខ្សែបម្រើ Xavi បានថ្លែងប្រាប់សារព័ត៌មាន El Pais ថា៖ "កាលពីនៅដឹកនាំ Real Madrid លោក Mourinho បានបញ្ជាឲ្យកូនក្រុមលោក ធ្វើការលេងបាល់ បោះទៅតំបន់ប្រយុទ្ធ(ទម្រង់បាល់វែង)"។
វីរបុរសរូបនេះ បានគូសបញ្ជាក់ទៀតថា៖ "លោក Mourinho កាលហ្នឹង បានប្រាប់កីឡាករ Real Madrid ដែលលេងតំបន់ខាងក្រោម ធ្វើយ៉ាងណា កុំឲ្យបាល់ឈប់ឲ្យសោះ គឺត្រូវលេងបាល់លឿនៗឡើងទៅលើ ដើម្បីឲ្យ Di Maria, Ronaldo ឬ Benzema ស៊ុត។ ពួកគេមិនចង់លេងបាល់ឲ្យមានភាពទាក់ទាញសោះ"។
សូមបញ្ជាក់ផងដែរថា លោក Mourinho ជាអ្នកចាត់ការក្លឹប Real Madrid ពីឆ្នាំ ២០១០ ដល់ ២០១៣ និងបានជួយក្លឹបឈ្នះពានចំនួន បីក្នុងអំឡុងពេលនោះ ក្នុងនោះមាន La Liga (២០១១-១២), Copa del Rey (២០១០-១១) និង Supercopa de Espana (២០១២)។
កន្លងមក អ្នកចាត់ការសញ្ជាតិព័រទុយហ្គាល់រូបនេះ រងការទិតៀនជាច្រើនពីមតិក្នុងពិភពបាល់ទាត់ ទាក់ទងនឹងយុទ្ធសាស្ត្រក្នុងការដឹកនាំក្លឹបរបស់លោក ដោយពួកគេយល់ថា លោកចូលចិត្តលេងទម្រង់ការពារពេលប៉ះនឹងក្រុមខ្លាំង និងចូលចិត្តប្រើប្រាស់យុទ្ធសាស្ត្របាល់វែង។ ទោះជាយ៉ាងណា លោកតែងបដិសេធនឹងពាក្យនេះជារឿយៗ៕