ភ្ញាក់ផ្អើល ពេលដឹងឆ្នាំមុនអ្នកគាំទ្រចិនហ៊ានចាយលុយលើ G-Dragon ច្រើនដល់ម្ល៉ឹង
- 2018-01-11 04:40:00
- ចំនួនមតិ 0 | ចំនួនចែករំលែក 0
ភ្ញាក់ផ្អើល ពេលដឹងឆ្នាំមុនអ្នកគាំទ្រចិនហ៊ានចាយលុយលើ G-Dragon ច្រើនដល់ម្ល៉ឹង
ចន្លោះមិនឃើញ
អ្នកគាំទ្ររបស់តារាចម្រៀង G-Dragon បានទទួលការចាប់អារម្មណ៍ខ្លាំងក្រោយពីត្រូវគេដឹងពីចំនួនទឹកប្រាក់ដែលពួកគេបានចំណាយលើទំនិញរបស់លោកកាលពីឆ្នាំមុន។
តារាងដែលបង្ហាញពីចំនួនទឹកប្រាក់ដែលអ្នកគាំទ្របានចំណាយលើទំនិញផ្ទាល់ខ្លួនរបស់តារាល្បីៗនៅលើវិបសាយលក់ទំនិញដ៏ធំជាងគេរបស់ប្រទេសចិនTaobao ត្រូវបានបង្ហាញជាសាធារណៈ។
ក្នុងតារាងនោះដែរ សង្កេតឃើញថាតារាចម្រៀង G-Dragonបានស្ថិតនៅលេខរៀងទី៤ដែលជាតារាដែលមានអ្នកគាំទ្របញ្ជាទិញទំនិញនិងសម្លៀកបំពាក់របស់លោករាប់តោន។ ចំនួនសរុបលើទំនិញដែលពួកគេបានទិញនោះគឺយ៉ាងហោចណាស់ ២៤៧លានយ័ន (ស្មើនឹង ៣៧,៩លានដុល្លារអាមេរិក)។
តារាប្រចាំប្រទេសចិនជាធម្មតាគឺស្ថិតលើកំពូលតារាងជានិច្ច ដែលធ្វើឲ្យតារាចម្រៀង G-Dragon គឺជាតារាបរទេសមួយរូបគត់ដែលមានឈ្មោះនៅលើតារាងនោះ។
ទាំងនេះគ្មានអ្វីគួរឲ្យភ្ញាក់ផ្អើលនោះទេ ដែលតារាចម្រៀងដ៏ល្បីរូបនេះទទួលបានការចាប់អារម្មណ៍ខ្ពស់នៅលើតារាងនោះ។ អ្នកគាំទ្ររបស់លោកក៏ធ្លាប់ហ៊ានចំណាយទឹកប្រាក់ ២០០ ០០០ដុល្លារ ដើម្បីទិញសំបុត្រការប្រគំតន្ត្រីរបស់លោកទាំងដុំៗ ដើម្បីគ្រាន់តែចង់ដឹងថាសំបុត្រនោះពិតប្រាកដ ឬក៏សំបុត្រក្លែងក្លាយ។
ផលិតផល និងសម្លៀកបំពាក់របស់ម្ចាស់បទ "Untitled” រូបនេះមិនត្រឹមតែទទួលបានការគាំទ្រក្នុងប្រទេសចិននោះទេ របស់ទាំងនោះ ក៏ទទួលបានប្រជាប្រិយភាពនៅគ្រប់បណ្ដាប្រទេសផ្សេងៗជុំវិញពិភពលោកដែរ៕