អ្នកលក់ទឹកឃ្មុំប្រាប់រូបមន្តរក្សាទឹកឃ្មុំបានយូរ និងមានគុណភាពល្អ

2018-01-12 01:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

- តើធ្វើដូចម្ដេចដើម្បីរក្សាទឹកឃ្មុំបានយូរ និងមានគុណភាពល្អ?

- ពេលយកឃ្មុំពីបង្គង តើគេត្រូវធ្វើដូចម្ដេច?

- តើមានអ្វីកើតឡើងនៅពេលគេដាក់ទឹកឃ្មុំ ក្នុងដបជ័រ?

ចម្លើយមាននៅខាងក្រោម៖

ទឹកឃ្មុំ ត្រូវបានគេប្រើយ៉ាងទូលំទូលាយនៅជុំវិញពិភពលោកជាពិសេសសម្រាប់ជំនួយ ដល់ការព្យាបាលថែទាំសុខភាព រួមទាំងសម្រាប់សម្រស់ស្បែកមុខ។ ជាការពិតទឹកឃ្មុំមិនគ្រាន់តែអាចថែរក្សាសុខភាពតែប៉ុណ្ណឹងទេ តែទឹកឃ្មុំត្រូវបានគេដឹងថាមានប្រយោជន៍ សម្រាប់ពន្យារភាពចាស់របស់មនុស្សឱ្យក្មេងជាងវ័យផងដែរ។ យ៉ាងណាមិញលោកអ្នកប្រហែលនៅមិនទាន់ដឹងទេថា តើធ្វើដូចម្ដេចដើម្បីរក្សាគុណភាពទឹកឃ្មុំបានល្អ និងទុកបានយូរ?

លោក ស៊ឹម ម៉េងទ្រី ម្ចាស់សហគ្រាសខ្មែរម៉េងទ្រី ៩៩៩ ដែលមានលក់ទឹកឃ្មុំសុទ្ធនៅខេត្តប៉ៃលិនបានបង្ហើបឱ្យដឹងថា ដើម្បីរក្សាទឹកឃ្មុំមានគុណភាពល្អ និងរក្សាទុកបានយូរ ពេលយកពីបង្គងអ្នកយកឃ្មុំត្រូវរក្សាទឹកឃ្មុំនោះមិនឱ្យត្រូវទឹកភ្លៀង បើត្រូវទឹកភ្លៀង ទឹកឃ្មុំនឹងលែងសុទ្ធ ហើយអាចទៅជាប្រែពណ៌ខុសពីទឹកឃ្មុំធម្មតា និងខូចគុណភាពក្នុងរយៈពេល ៦ខែ ទៅ៨ ខែ។ បន្ថែមលើនេះទឹកឃ្មុំសុទ្ធត្រូវរក្សាទុកនៅក្នុងដបកែវ ហាលឱ្យស្ងួត និងមិនត្រូវរក្សាទុកនៅក្នុងដបជ័រនោះទេ ព្រោះដបជ័រអាចរងប្រតិកម្មធ្វើឱ្យទឹកឃ្មុំខូចគុណភាព។

របររកឃ្មុំលក់ របស់កសិករភូមិខ្នារខេត្តតាកែវ បានកម្រៃខ្ពស់ តែប្រឈមគ្រោះថ្នាក់ខ្លាំង

លោក ស៊ឹម ម៉េងទ្រី ម្ចាស់សហគ្រាសខ្មែរម៉េងទ្រី ៩៩៩ ដែលមានលក់ទឹកឃ្មុំសុទ្ធនៅខេត្តប៉ៃលិន

លោកបានឱ្យដឹងទៀតថា ការរក្សាទឹកឃ្មុំបានល្អគេត្រូវរើសយកទឹកឃ្មុំណា ដែលគ្មានអាចម៌ឃ្មុំ និងសំណកឃ្មុំ បើមិនដូច្នេះទេទឹកឃ្មុំអាចប្រែជារស់ជាតិជូរ ក្នុងរយៈពេល៦ ខែទៅ៨ខែ។ ការប្រើបច្ចេកទេសបានត្រឹមត្រូវ ទឹកឃ្មុំនឹងអាចរក្សាទុកបានយូរស្ទើរតែគ្មានកំណត់កាលបរិច្ឆេទប្រើប្រាស់។ **«អ្នកខ្លះឆ្ងល់ថា ទឹកឃ្មុំច្របាច់ផ្ទាល់ដៃ ឆ្លងកាត់ការពិសោធន៍ ដាក់ក្នុងទូទឹកកក ហេតុអីបានកក និងមិនអាចរក្សាទុកបានយូរ។ នេះអាចថាគាត់មិនបានដឹងពីបច្ចេកទេសយក និងទុកដាក់ទឹកឃ្មុំបានល្អ»។**

ទឹកឃ្មុំ មានប្រយោជន៍ចំពោះសម្រស់ច្រើន នឹកស្មានមិនដល់

បើតាម លោក ម៉េងទ្រី កន្លងមកសហគ្រាសលោកទទួលទិញឃ្មុំ ពីប្រជាពលរដ្ឋលុះត្រា តែអ្នករកឃ្មុំព្រមអនុវត្តតាមគោលការកំណត់ដូចបានរៀបរាប់ខាងលើ។ អ្នកខ្លះរកឃ្មុំបានយកមកដាក់ក្នុងធុងជ័រ ឬប៉ោត ខុសលក្ខណៈបច្ចេកទេសមិនទទួលទិញនោះទេ ដោយហេតុថា ទឹកឃ្មុំលែងសុទ្ធខ្លាចបាត់ទំនុកចិត្តពីអតិថិជន ។ ទោះយ៉ាងណាទឹកឃ្មុំសុទ្ធ ក៏មិនអាចគ្មានជាតិទឹក ១០០%នោះដែរ។ ជាតិទឹកស្ថិតនៅក្នុងទឹកឃ្មុំមានចន្លោះពី ៣% ទៅ៧% និងមានទម្ងន់១គីឡូ៤ ខាំ ទៅ ៥ ខាំ ក្នុងទឹកឃ្មុំមួយលីត្រ ៕