ក្រុម E-Sports កម្ពុជាចេញទៅការពារជើងឯកនៅថៃមុននេះបន្តិច
- 2018-01-12 03:02:20
- ចំនួនមតិ 0 | ចំនួនចែករំលែក 0
ក្រុម E-Sports កម្ពុជាចេញទៅការពារជើងឯកនៅថៃមុននេះបន្តិច
ចន្លោះមិនឃើញ
ក្រុមកីឡាអេឡិចត្រូនិកកម្ពុជាបានចេញដំណើរទៅប្រទេសថៃកាលពីវេលាម៉ោង៩ព្រឹក ថ្ងៃសុក្រ ទី១២ ខែមករា ឆ្នាំ២០១៨នេះដើម្បីចូលរួមប្រកួតពានរង្វាន់អន្តរជាតិកម្រិតតំបន់ MATIC 2018 (Mission Against Terror International Championship ដែលនឹងប្រកួតចុងសប្តាហ៍នេះ។
មុនចេញដំណើរ លោក លន់ សាមឌី អគ្គលេខាធិការនៃសហព័ន្ធកីឡាអេឡិចត្រូនិកកម្ពុជាបានលើកឡើងថា ក្រុមកីឡាអេឡិចត្រូនិកកម្ពុជាបានចូលរួមប្រកួតក្នុងពានរង្វាន់ដ៏ធំនេះបាន៣ដងហើយ បន្ទាប់ពីសហព័ន្ធត្រូវបានបង្កើតឡើងជាផ្លូវកាលពីឆ្នាំ២០១៤។ ប៉ុន្តែមុនសហព័ន្ធបង្កើតឡើង ក្រុម E-Sports កម្ពុជាក៏ធ្លាប់បានចូលរួមប្រកួតជាលើកដែរ។
លោកបានបញ្ជាក់ថា សម្រាប់ឆ្នាំ២០១៨នេះ ក្រុមកម្ពុជាត្រូវការពារតំណែងជើងឯកឆ្នាំចាស់ បន្ទាប់ពីក្រុម Never Care របស់កម្ពុជាបានឈ្នះជើងឯកនេះកាលពីឆ្នាំ២០១៧។ លោកសង្ឃឹមខ្ពស់ក្នុងការការពារតំណែងជើងឯករបស់ខ្លួនបានសម្រេច ដោយសារក្រុមកម្ពុជាមួយនេះមានបទពិសោធន៍ច្រើនឆ្នាំ និងទទួលបានចំណាត់ថ្នាក់ល្អរហូតគិតចាប់តាំងពីចូលរួមឆ្នាំ២០១២មកម្ល៉េះ។ ក្នុងនោះ Never Care ឈ្នះជើងឯកក្នុងឆ្នាំ២០១៧ និងបានជើងឯករងឆ្នាំ២០១៦ជាដើម។
លោកបន្ថែមថា ប្រទេសចូលរួមមានចំនួន៦សម្រាប់ MATIC 2018 នេះគឺម្ចាស់ផ្ទះថៃ មាន៣ក្រុម កម្ពុជា មាន២ក្រុម ចិនមាន២ក្រុម សិង្ហបុរីមាន២ក្រុម ម៉ាឡេស៊ីមាន២ក្រុម និងឥណ្ឌូណេស៊ីមាន១ក្រុម។
ជាមួយគ្នានេះ សេនតូ ប្រធាន Never Care បាននិយាយថា ក្រុមរបស់ខ្លួនរំពឹងការពារជើងឯកចាស់ ៧០% ប៉ុន្តែច្បាស់ជាជួបការលំបាកច្រើនពីព្រោះប្រទេសដែលសុទ្ធតែជ្រើសរើសក្រុមខ្លាំងៗចូលរួមប្រកួត។ ក្រុមរបស់ខ្លួនមានការរំពឹងខ្ពស់នេះ ដោយសារបច្ចុប្បន្នក្រុមទាំងមូលយល់ចិត្តគ្នាច្រើន។ ទន្ទឹមនេះ ពួកគេក៏មានក្ដីកង្វល់ខ្លះៗដែរ។ ក្ដីកង្វល់ធំបំផុតគឺសមាជិកថ្មី៣រូបស្ទើរបទពិសោធក្នុងការប្រកួតអន្តរជាតិ ពិសេសគឺការប្រកួតក្រៅប្រទេស។ ប្រធានក្រុមរូបនេះបន្ថែមថា សម្រាប់ប្រទេសដែលជាឧបសគ្គធំបំផុតមានពីរគឺ ថៃ និងម៉ាឡេស៊ី។ បើទោះជាមានកង្វល់បែបនេះក្ដី ក្រុមរបស់លោក សំណូមពរអ្នកគាំទ្រឲ្យបានច្រើន ដើម្បីជាកម្លាំងចិត្តក្នុងការចេញប្រកួតតំណាងប្រទេសកម្ពុជា។ សម្រាប់ទស្សនៈរបស់ក្រុមទាំងមូលផ្ទាល់គឺបានប្ដេជ្ញាថា នឹងប្រឹងប្រែងឲ្យអស់ពីកម្លាំងកាយចិត្តដើម្បីការពារជើងឯកចាស់របស់ខ្លួនឲ្យបានជោគជ័យ។
សម្រាប់ប្រាក់រង្វាន់មានដូចខាងក្រោម
ក្រុមលេខ១ជាជើងឯក៖ ១៥០០០ដុល្លារអាមេរិក
ក្រុមលេខ២ជាជើងឯករង៖ ៧០០០ដុល្លារអាមេរិក
ក្រុមចំណាត់ថ្នាក់លេខ៣៖ ៤០០០ដុល្លារអាមេរិក
ក្រុមចំណាត់ថ្នាក់លេខ៤៖ ២៥០០ដុល្លារអាមេរិក
នេះក្រុមមកពី៦ប្រទេសត្រូវប្រជែងពានអន្តរជាតិ MATIC 2018 នៅថៃសប្ដាហ៍ក្រោយ