G-Dragon អួលដើមក ពេលពោលពាក្យលាទៅអ្នកគាំទ្រ(វីដេអូ)

2018-01-12 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកក្រុម Big Bang និមួយៗបាននិយាយពាក្យលាគ្នាទៅកាន់អ្នកគាំទ្រនៅក្នុងការប្រគំតន្ត្រីចុងក្រោយរបស់ពួកគេមុនពេលថ្ងៃចូលបម្រើកងទ័ពបានចូលមកដល់។

នៅក្នុងភាគទី១២ នៃកម្មវិធី 'Livin' the Double Life' របស់ទូរទស្សន៍ tvN បានបង្ហាញឈុតឆាកក្នុងការប្រគំតន្ត្រី 'Last Dance' របស់ក្រុម Big Bang នៅទីក្រុងសេអ៊ូល។

នៅជិតបញ្ចប់ការប្រគំតន្ត្រី សមាជិកនិមួយៗបានចំណាយពេលនិយាយពាក្យមួយចំនួនជាការលាគ្នាទៅកាន់អ្នកគាំទ្ររបស់ពួកគេ។ តារាចម្រៀង Seungri បានចាប់ផ្ដើមនិយាយមុនគេថា៖ "ការប្រគំតន្ត្រីនេះ ដែលមើលទៅមិនគួរបញ្ចប់នោះ បានមកដល់ទីបញ្ចប់នៅក្នុងថ្ងៃនេះ។ ខ្ញុំសឹងតែមិនជឿថាពួកយើងត្រូវនិយាយពាក្យថាលាក្រោយច្រៀងបទចម្រៀងប៉ុន្មានបទហើយនោះទេ"។

បន្ទាប់មក តារាចម្រៀង Daesung ៖ "នេះគឺជាការប្រគំតន្ត្រីចុងក្រោយរបស់ពួកយើងហើយមុនពេលត្រូវចូលបម្រើកងទ័ព។ ខ្ញុំមិនពិបាកចិត្តនោះទេ។ ខ្ញុំគ្រាន់តែចង់ប្រាប់អ្នកទាំងអស់គ្នាថា អរគុណសម្រាប់ការផ្ដល់ជាកាដូដល់ពួកយើងគ្រប់ពេលវេលា និងគ្រប់ការចងចាំទាំងអស់"។

មេក្រុម G-Dragon ជាអ្នកនិយាយបន្ទាប់៖ "តាមពិតទៅ ខួរក្បាលខ្ញុំឥឡូវនេះគឺទទេស្អាត។ ខ្ញុំមិនដឹងថាគួរតែនិយាយអ្វីឲ្យប្រាកដនោះទេ ខ្ញុំគ្មានអ្វីសម្រាប់និយាយជាពិសេសនោះទេ ខ្ញុំសប្បាយចិត្ត។ វាជាសុភមង្គលសម្រាប់ខ្ញុំ ហើយអ្វីដែលខ្ញុំអាចនិយាយបានគឺថាខ្ញុំពិតជាអរគុណខ្លាំងណាស់"។ ក្រោយនិយាយចប់លោកបានអួលដើមកហើយក៏យំ។

ចុងក្រោយគេ គឺតារាចម្រៀង Taeyang៖ "ដូចដែលអ្នកទាំងអស់គ្នាបានដឹងហើយ ក្រោយការប្រគំតន្ត្រីនេះ ពួកយើងនឹងមិនបានជួបអ្នកទាំងអស់់គ្នាក្នុងរយៈពេលខ្លីឬក៏វែងតាមតែអ្នកទាំងអស់គ្នាគិត។ វាពិតជាមិនសប្បាយចិត្តទេ ប៉ុន្តែពួកយើងនៅតែគង់នឹងជួបគ្នាម្ដងទៀតពេលក្រោយជាមួយនឹងការផ្លាស់ប្ដូរថ្មី ដែលអ្វីៗដែលខ្ញុំបានគិតក្នុងខួរក្បាលទាំងប៉ុន្មានគឺពិបាកនឹងពិពណ៌នាខ្លាំងណាស់។ ពេលវេលាដែលពួកយើងបានចំណាយជាមួយគ្នានៅតែជាកម្លាំងចិត្តដ៏ខ្លាំងក្លាសម្រាប់ពួកយើងអំឡុងពេលបំពេញភារកិច្ចនៅក្នុងជួរទាហាន។ អរគុណខ្លាំងណាស់ ហើយខ្ញុំស្រលាញ់ អ្នកទាំងអស់គ្នា"។