មូលហេតុអីចឹងសោះ ដែលធ្វើឲ្យ Costa មកហាត់ប្រដាល់នៅក្លឹបរបស់ Torres
- 2018-01-13 07:20:11
- ចំនួនមតិ 0 | ចំនួនចែករំលែក 0
មូលហេតុអីចឹងសោះ ដែលធ្វើឲ្យ Costa មកហាត់ប្រដាល់នៅក្លឹបរបស់ Torres
ចន្លោះមិនឃើញ
បន្ទាប់ពីរង់ចាំអស់យ៉ាងយូរក្នុងការផ្ទេរពីក្លឹបតោខៀវ មកកាន់ Atletico Madrid កីឡាករ Diego Costa បានហាត់ប្រដាល់នៅក្លឹបប្រដាល់របស់មិត្តរួមក្រុម Fernando Torres។
ខ្សែប្រយុទ្ធសញ្ជាតិប្រេស៊ីល Oscar Melendez ដែលបានចូលហ៊ុនរកស៊ីបើកក្លឹបប្រដាល់ចំនួន៩ហើយជាមួយ Torres បាននិយាយថា Costa ដែលជាម៉ូយប្រចាំក្លឹបប្រដាល់របស់លោក គឺជាមនុស្សក្លាហានម្នាក់ ហើយគោលបំណងដែលកីឡាករវ័យ២៩ឆ្នាំរូបនេះមកហាត់ប្រដាល់គឺដើម្បីឲ្យកាយសម្បទាគេកាន់តែរឹងមាំ។ "Costa គឺជាមនុស្សកា្លហានម្នាក់ គាត់មិនដែលភិតភ័យក្នុងការសាកល្បងអ្វីៗ ឬ ភ័យខ្លាចឈឺសាច់ឡើយ" Oscar Melendez បាននិយាយ។
Oscar Melendez បានបន្តទៀតថា Costa ជាមនុស្សរួសរាយ។ គេតែងនិយាយសួស្តីទៅកាន់អ្នករាល់គ្នានៅក្លឹបប្រដាល់នេះ ពេលអតីតតារាឆ្នើមរបស់ Chelsea មកដល់ក្លឹបប្រដាល់ម្តងៗ។ Costa ធ្លាប់បាននិយាយទៀតថា មកពីលោកឡើងទម្ងន់ទើបចង់សម្រករាងខ្លះ។
Diego Costa ទើបបានចូលលេងឲ្យ Atletico Madrid កាលពីដើមខែកន្លងទៅបន្ទាប់ពីសម្រាកយ៉ាងយូរដោយជាប់បម្រាមបន្ទាប់ពីផ្ទេរមកពី Chelsea។ ចូលលេងភ្លាម ស៊ុតបាន១គ្រាប់ភ្លែត ហើយក៏បានកាដូកាតក្រហមក្តៅៗផងដែរ ព្រោះបានកាតលឿង២។ កាតលឿងទី១ ព្រោះឲ្យកែងគេ ហើយកាតលឿងទី២ ព្រោះអបអរបាល់ស៊ុតចូល រត់ទៅក្រៅទីលាន៕