មូលហេតុសំខាន់មួយ ដែលធ្វើឲ្យនេប៉ាល់ពិបាកតបណ្តាញអ៊ីនធើណិតពីប្រទេសជិតខាង
- 2018-01-13 07:15:08
- ចំនួនមតិ 0 | ចំនួនចែករំលែក 0
មូលហេតុសំខាន់មួយ ដែលធ្វើឲ្យនេប៉ាល់ពិបាកតបណ្តាញអ៊ីនធើណិតពីប្រទេសជិតខាង
ចន្លោះមិនឃើញ
អស់រយៈពេលជាច្រើនឆ្នាំប្រទេសនេប៉ាល់ពឹងផ្អែកទាំងស្រុងលើក្រុមហ៊ុនទូរគមនាគមន៍ឥណ្ឌា Bharti Airtel និង ក្រុមហ៊ុន Tata Communications Ltd ក្នុងការចែកចាយការផ្គត់ផ្គង់សេវាអ៊ិនធឺណេត។ នេះបើតាម The South China Morning Post ចុះផ្សាយថ្ងៃនេះ។
ប៉ុន្តែនេប៉ាល់មិនអាចផ្តេកផ្តួលទាំងស្រុងទៅលើឥណ្ឌាបានទេ ម្ល៉ោះហើយទើបចាប់ពីឆ្នាំ២០១៤ មកនេប៉ាល់បានងាកមករកចិន ក្នុងការតបណ្តាញគមនាគមន៍ពីចិនទៅវិញ ប៉ុន្តែវាត្រូវបានបំផ្លាញទាំងស្រុងនៅក្នុងការរញ្ជួយដីដ៏សាហាវមួយនៅខែមេសាឆ្នាំ ២០១៥ ព្រោះប្រទេសនេះតែងជួបគ្រោះរញ្ជួយដីជាញឹកញាប់។
ចិននិងនេប៉ាល់បាននិងកំពុងដំណើរការសាងសង់កាបអុបទិចនេះឡើងវិញនៅពាក់កណ្តាលឆ្នាំមុន ប៉ុន្តែវាត្រូវបានពន្យាពេលដោយសារតែផលវិបាកមួយទៀត គឺស្ថានភាពដីប្រទេសនេះស្ថិតនៅរយៈកម្ពស់ខ្ពស់ពេកធៀបនឹងនីវ៉ូទឹកសមុទ្រ ដល់ទៅជាង ៤ ០០០ ម៉ែត្រ ព្រោះប្រទេសនេះសំបូរភ្នំខ្ពស់ៗ មានភ្នំអេវ៉ារេស ដែលខ្ពស់ជាងគេបំផុតរបស់ពិភពលោកជាដើម៕