«ដើមចំប៉ា» ហាងម្ហូបបែបអាស៊ីល្បីឆ្ងាញ់ បើកលក់នៅអ៉ីអនហើយ

2018-01-13 07:02:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនបើអ្នកចូលចិត្តពិសារម្ហូបបែបអាស៊ី និងម្ហូបវៀតណាតច្បាស់ជាស្គាល់ហាង មេកណូលា ឬ ជាភាសារខ្មែរ ដើមចំប៉ា ព្រោះហាងនេះលេចឡើងនៅកម្ពុជាតាំងពីឆ្នាំ ២០០៨ មកម្ល៉េះ ដោយក្រៅពីល្បីថាមានម្ហូបឆ្ងាញ់ និងមានអនាម័យខ្ពស់ បរិយាកាសហាងក៏ត្រកាលត្រជាក់ចិត្តដែរ។

ឥឡូវហាងល្បីថាមានលក់បាញ់ឆែវ និងម្ហូបបែបអាស៉ីឆ្ងាញ់ៗជាច្រើនមុខនេះបានបើកសាខាថ្មី ដែលជាសាខាទី ៣ របស់ខ្លួន នៅជាន់ទី៣ នៃផ្សារទំនើបអ៉ីអនហើយ។

កម្មវិធីបើកសម្ពោធហាងថ្មីនេះបានប្រព្រឹត្តទៅកាលពីល្ងាចម្សិលមិញ យ៉ាងឧឡារិកដោយមានការអញ្ចើញចូលរួមយ៉ាងកុះករពីភ្ញៀវកិត្តិយសជាតិ និង អន្តរជាតិដែលជាអ្នកតែងតែគាំទ្រហាង និងអ្នកសារព័ត៌មានជាច្រើននាក់។

លោកស្រី លី ជាម្ចាស់ហាង ដើមចំប៉ា បានឲ្យដឹងថា៖ «ដោយខ្ញុំជាចុងភៅមានបទពិសោធន៍ជាង៣០ហើយ ដូច្នេះមុខម្ហូបក្នុងហាងរបស់ខ្ញុំត្រូវបានកែរច្នៃឲ្យមានលក្ខណៈពិសេសប្លែកគេ។ ខ្ញុំតែងយកចិត្តទុកដាក់ខ្ពស់ចំពោះការផ្តល់ជូននូវអាហារដែលមិនត្រឹមតែមានរសជាតិឆ្ងាញ់ទេ តែត្រូវតែល្អសម្រាប់សុខភាពទៀត តួយ៉ាងបន្លែប្រើប្រាស់ក្នុងហាង គឺយកមកពីចម្ការខ្ញុំផ្ទាល់ ធានាបានថាគ្មានសារជាតិគីមីប៉ះពាល់សុខភាពឡើយ។ ដូច្នេះបងប្អូនអាចពិសារបានយ៉ាងកក់ក្តៅក្នុងចិត្ត» ។

ឆ្លៀតក្នុងឱកាសនេះ លោកស្រីក៏បង្ហើបឲ្យដឹងដែរថា មូលហេតុដែលហាងលោកស្រីដាក់ឈ្មោះថាចំប៉ា នេះ ព្រោះនៅពីមុខហាងសាខាដំបូងបង្អស់របស់លោកស្រីមានដើមផ្កាចំប៉ា ហើយលោកស្រីក៏ចូលចិត្តផ្កាចំប៉ានេះស្រាប់ ៕