អ្នកដឹកនាំភាពយន្ត "Boys Over Flowers” ស្លាប់ដោយសារគ្រោះថ្នាក់ចរាចរណ៍

2018-01-13 09:52:18
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jeon Ki Sang ជាផលិតករល្បីមួយរូបក្នុងចំណោមអ្នកផលិតរឿងភាគកូរ៉េ ទើបតែស្លាប់ថ្មីៗនេះដោយសារគ្រោះថ្នាក់ចរាចរណ៍។

លោក Jeon Ki Sang

នៅថ្ងៃទី១៣មករាម៉ោង ១ព្រឹកត្រូវនឹងម៉ោង ១១យប់ថ្ងៃទី១២នៅប្រទេសកម្ពុជា លោក Jeon បានដើរឆ្លងផ្លូវ តែចៃដន្យក៏ត្រូវរថយន្ត Taxi បុកលោកមួយទំហឹង។ លោកត្រូវបានគេបញ្ជូនទៅកាន់មន្ទីរពេទ្យភ្លាមៗប៉ុន្តែគួរឲ្យសោកស្ដាយ ព្រោះលោកបានបាត់បង់ជីវិតទៅហើយ។

អ្នកដឹកនាំរឿងរូបនេះ ជាអ្នកផលិតភាពយន្តភាគកូរ៉េល្បីៗជាច្រើនដូចជា "Sassy Girl Chun-hyang”, “Papa” និង "Bodyguard” ជាដើម។

បន្ទាប់ពីលោកចាកចេញពីក្រុមហ៊ុនដើមហើយចាប់ផ្ដើមធ្វើការលក្ខណៈជា Freelancer នៅឆ្នាំ ២០០៥ លោកបានផលិតរឿងជាច្រើនដូចជា "Boys Over Flowers”, “My Girl”, “Witch Yoo Hee” និង "Beautiful You” ព្រមទាំងរឿងផ្សេងៗទៀតជាច្រើន។

ពិធីបុណ្យសពរបស់លោក នឹងប្រារព្ធធ្វើឡើងដោយក្រុមគ្រួសាររបស់លោក៕

អានអត្ថបទ៖

ប្រភព៖ Allkpop | Koreaboo ប្រែសម្រួល៖ ធារ៉ូ