ទូរសព្ទរាងតូចបំផុតក្នុងលោក មានទម្ងន់ខ្លួនតែជាង ១០ ក្រាម
- 2018-01-14 07:35:00
- ចំនួនមតិ 0 | ចំនួនចែករំលែក 0
ទូរសព្ទរាងតូចបំផុតក្នុងលោក មានទម្ងន់ខ្លួនតែជាង ១០ ក្រាម
ចន្លោះមិនឃើញ
ថ្វីបើការអភិវឌ្ឍនូវបច្ចេកវិទ្យាស្មាតហ្វូនកាន់តែទំនើបទៅៗ ប៉ុន្តែអតិថិជនមួយចំនួនក៏ចង់ទទួលបានអារម្មណ៍ប្លែកក្នុងការកាន់ប្រើទូរសព្ទធម្មតាដែលខុសពីមនុស្សដទៃ។ ម្ល៉ោះហើយក្រុមហ៊ុន Zanco ក៏បែកគំនិតរចនាឡើងនូវទូរសព្ទម៉ូដែល Tiny T1 ដែលមានវិមាត្រខ្លួន ២១x៤៦.៧x១២ ម.ម ហើយមានទម្ងន់ស្រាលត្រឹមតែ ១៣ ក្រាម មើលពីចម្ងាយប្រហែលកូន Flash USB ដ៏តូចមួយ។
គាំទ្រការប្រើប្រាស់ត្រឹមប្រព័ន្ធ 2G ដោយថ្មដំណើរការ Standby អាចកាន់បានដល់ ៣ ថ្ងៃ និងរយៈពេល ៣ ម៉ោងសម្រាប់ការបើកសន្ទនា ស្របពេលការសាកមួយពេញចំណាយពេលមិនដល់ ១ ម៉ោង។ មានសិទ្ធផ្ញើនិងទទួលសារដូចទូរសព្ទជំនាន់ឆ្នាំ ៩០ ប៉ុន្តែអាចផ្ទុកបានត្រឹម ៥០ សារប៉ុណ្ណោះ។
អ្នកអាចរក្សាទុកបញ្ជីឈ្មោះចំនួន ៣០០ និងការជ្រើសរើសសំឡេងរោទ៍បានថែមទៀតផង។ មិនទាន់ចេញលក់ជាសាធារណៈនៅឡើយ ស្របពេលបច្ចុប្បន្នស្ថិតក្នុងគម្រោងប្រមូលថវិកាផលិតតាមរយៈ Kickstarter ដែលទទួលបានជាង ២២០,០០០ ដុល្លារហើយ មុនបញ្ចប់នៅថ្ងៃទី ១៨ មករា។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: