កុំភ្លេចតាមដានផ្សាយផ្ទាល់ ក្រុមកម្ពុជា Never Care ប៉ះក្រុមចិនវគ្គ៨ក្រុមចុងក្រោយ

2018-01-14 02:03:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមការពារតំណែងជើងឯកឆ្នាំចាស់ Never Care ត្រូវប្រឈមនឹងជើងខ្លាំងមកពីប្រទេសចិនដើម្បីរកផ្លូវឆ្ពោះទៅកាន់វគ្គពាក់កណ្តាលផ្តាច់ព្រ័ត្រ បន្ទាប់ពីជួបការលំបាកខ្លាំងនៅវគ្គសន្សំពិន្ទុកាលពីម្សិលមិញនៃការប្រកួតជើងឯកកីឡាអេឡិចត្រូនិកអន្តរជាតិ MATIC 2018នៅប្រទេសថៃ។

ក្រុម Never Care

ការប្រកួតវគ្គសន្សំពិន្ទុកាលពីម្សិលមិញ ក្រុម Never Care និងក្រុមរបស់ចិនធ្វើមិនសូវបានល្អដូចគ្នាដោយក្រុមរបស់កម្ពុជារកបាន១៦ពិន្ទុស្ថិតនៅលេខ៤ក្នុងពូល B ខណៈក្រុមរបស់ចិនរកបាន១៦ពិន្ទុដែរស្ថិតនៅលេខ៤ក្នុងពូលA។ នេះជាវគ្គកាន់តែរន្ធត់ខ្លាំងហើយដោយក្រុមឈ្នះឡើងទៅវគ្គពាក់កណ្តាលផ្តាច់ព្រ័ត្រ និងក្រុមចាញ់ត្រូវហាលអាវ។

វគ្គ៨ក្រុមចុងក្រោយ

ចំពោះក្រុមម្ចាស់ផ្ទះថៃដែលមានរហូតដល់៤ក្រុមនោះមាន៣ក្រុមឡើងវគ្គ៨ក្រុមចុងក្រោយ ខណៈប្រទេសម៉ាឡេស៊ីដែលមាន២ក្រុមធ្វើបានយ៉ាងល្អឥតខ្ចោះដោយឈរលើកំពូលតារាងទាំង២ក្រុមតែម្តង។

សូមទស្សនាការផ្សាយផ្ទាល់

អត្ថបទ៖ ជាន ចាន់រ៉ា